بە سەدان ژەنۍ شارۊچکەکاو کانتۊنوو قامیشلۊینە (گرکۍ لەگۍ، دێرک، تل کۊچەر و چلاخا) و دەگایەکاو دەوروبەریشنە، بە مەبەستوو شەرمەزارکەرڎەی پیلانگێڵنیی میاندەوڵەتیی دژوو ڕابەروو گەلوو کوردی عەبدوڵڵا ئۊجالانی بە جەماوەرییانە ڕاشا پیما.

 ڕاپیمایەکە جە مەیدانوو گەشمەرڎە خەباتینە شارۊچکەو گرکۍ لگێی قامیشلۊینە دەسش پەنە کەرد. بەشداربیۍ ڕسموو ڕابەر عەبدوڵڵا ئۊجالانی و ئاڵاو کۊنگرەو ستاری و نویسییاو "بەبۍ سەرۊکی ژیوا مەبۊ'' و "ئازادیی ڕابەر عەبدوڵڵا ئۊجالانی ئازادیی گلێرگە''ین و "ژەنی، ژیوای، ئازادی"یشا بەرزۍ کەرڎێبێنێوە.

 دماو ڕاپیمایەکەی بازاڕوو شارەکەینە کوۍ بیێوە و چاگە، ئەندامەو کۊنگرەو ستاری جە گرکۍ لەگێنە، نەسرین محەممەدە، ئامانجەکاو پیلانگێڵنیی میاندەوڵەتییش بەروستۍ و واتش: هێزە هەژموونوازەکۍ هەوڵێشا دۍ بە گێرتەی ڕابەرئاپۊی پەیوەندیی بەینوو ڕابەری و گلێرگەی نازا و ئازادیی ژەنا دلێنە بەرا. هەرپاسە واتش: ئا هێزە پیلانگێڵنۍ بە ئامانجەکاشا نەیاوۍ، چونکوم ویرۊکەکاو ڕابەر عەبدوڵڵا ئۊجالانی دلۍ گردوو گلێرگەی و ژەنانە وەلۍ بیێنیوە، ئێمە تا ئا وەختە ئازادیی جەستەیی ڕابەری بەدی مۍ بەرڎەوامۍ بیمۍ جە کۊشیای.

 ئەندامەو کۊنگرەو ستاری ناحیەو تل کۊچەری ئمل جلۊد هەرپاسە ئەرەیاوناش، کە ئادی سەروو ویرۊکەکاو ڕابەر عەبدوڵڵا ئۊجالانی، کە سەرمەشقوو ئاشتی و ئازادیین درێژە بە کۊشیای مدا.  

 ڕاپیمایەکە بە دروشموو "بۍ سەرۊکی ژیوا مەبۊ"، "بژیوۊ ڕابەر عەبدوڵڵا ئۊجالان'' و "نەمەنەی پەی خیانەتی'' دماییش ئاما.

س.ز