ئەرەیاونایەکەو دەسوەڵێوزوو ژەنە هەقسانانە ئامان: " پەی یادکەرەیوەی گەشمەرداما کەمال پیر، خەیری دورموش، عاکیف یلماز و عەلی چیچەکی، کە ١٤و تەمموزو ١٩٨٢ مدرامانوو ڕۆچی مەردەی گەورەیشا دەس پەنە کەرد، پێسەو دەسوەڵێوزی ژەنە هەقسانا جە ١٤و تەمموزینە واننە و گەڤەرنە چالاکیی کریا."

حەر جە ئەرەیاونایەکەو دەسوەڵێوزی ژەنە هەقسانانە ئاماژە پانەیە مکەرۆ جە گەڕەکەو ئالتن تەپەی و خاچۆروو وانینە نیمەشەونە ڕاشا وستێنەرە و ئایرشا کەردەنۆ و ماچۆ: "پۆلیسوو دەوڵەتی ئەرەگیرکەروو تورکی هجوومێوی سەختش کەرد، بەڵام تیمەکێما ڕاستەوخۆ جوابوو ی تندوو پۆلیسیشا داوە. مدرامانەکە تا نیمەشەو بەردەوام بی، پۆلیسوو دەوڵەتوو تورکی گورزێوی سەختشا وارد و گەڕەکەکێمانە کێشیێوە."

جە بەشێوی تەروو ئەرەیاونایەکەینە ئاماژە پانەیە کریان، کە شەوەو ١٤و تەمموزی گەڕەکەکاو عومران، یەنی محەل، ئەسکی کشلا، ئەسەنتەپە و زاگرۆسوو گەڤەری یەک وەختەنە ڕایەکێ گیریێ و ئایر کریاوە و پاسە بەردەوام بی: "پۆلیسوو دەوڵەتوو تورک بە درۆن و هەلیکۆپتەرۆ هجوومش کەرد و هەوڵێشا دێ گەڕەکەکاما تەوقە بدانە. دژوو تەوقە و هجووومەکا پێسەو گرد وەختێ تیمەکێما ئامادێ بێنێ و گورزی کوشندەشا وەنەو ئەرەگیرکەرا شانا. دماو ئانەیە ئەرەگیرکەرێ نەتاواشا بەیا دلێ گەڕەکەکاوە، ڕاو هەلیکۆپتەریەوە بۆردومانوو گەڕەکەکێشا کەرد. حەر چەنی هجوومەکا تیمەکێما گورزشا وەنەو هەلیکۆپتەرەکەی دا و یاگێ وێشنە ورئاما. هاموەخت تیمەکەما گەڕەکەو زاگرۆسینە هجوومشا کەرد سەرو پۆلیسی و بە چەکی مۆلۆتۆڤ گورزشا وەنەو زریپۆشێوی جۆروو ئاکرەپی شانا و ماڕاشا، چالاکییەکەنە ٢ پۆلیسێ بە سەختی بریندارێ بیێ."

واوەی ئاماژە پانەیە مکەرۆ تا نیمەشەو مدرامانەکێ جە حەرچوار گەڕەکەکانە بەردەوامێ بیێ، پۆلیسی ئەرەگیرکەروو تورکی دماو ئانەیە گورزشا وەرکەوت ناچارێ بیێ بکێشیانێوە.

ئاخروو ئەرەیاونایەکەینە باسوو ئانەیە مکەرۆ، کە ئەرەنیشتاو ئا گەڕەکا بە هەڵهەلەدایوەنەی پەشتگیریی چالاکییەکەیشا کەردەن.