ویلایەتە یۊگێرتەکاو ئەمەریکا و هامپەیمانەکێش، کە پری ماوە ٢٠ساڵا چیوەڵتەری چێروو کۊنتترۊڵیشانە بۍ و ئەڤغانستاننە کێشیێوە،ژەنی و زارۊڵۍ چێروو دەاو تالیبانینە جیا مەنێ، کە بە یۊ جە ڕێکوزیاتیرۊرستییەکاو جیهانی منریۊرە و ئی ستەمە دژوو ژەنا چارەسەر مەکریۊ.

جە٧ و ئەیلوولوو ۲۰۲۱، یوەم حکومەتی تازەو تالیبانی ئەرەمەرزیا، ٨وو ئەیلوولینە ژەنی وەرزششا وەنە قەدەغە کریا و واتشا " نە پێویسا و نە گونجیان دماتەر ١٧ و ئەیلوولوو ۲۰۱۱، وەزارەتوو ژەنا وزیارە و یاگەکێشنە وەزارەتوو وەلاکەرڎەیۊ فەزیلەتی و وەڵیگێرتەی جە بێئەخلاقی نریارە، ورشانایۊ هەرمانەکاو کۊمسیۊنوو سەربەوۍ مافەکاو ئینسانی یوە بۍ جەهەنگامە ئەوەڵییەکا کە عکوومەتی تازەو تالێبانی کەردش".

' وەختۍ بەیانینە ورێزێنمۍ هەست بە خۊفۍ کەرێنمێ'

شەریفییە ڕازەو زارۊڵەیی و ڕەمایش ئەڤغانستاننە پێسە گێڵناوە: " بێگومان تاڵیبان  کتوپڕ بەر نەکەوت  سەرەمڕ ژیوایمانە بێ، من پاسە گەورۍ بیا، خێزانەکەم دژوو پیمانەکاشا بێنێ، پەوکای گردوو ژەناو بنەیانەکەیما خۊندەوارۍ بێنۍ و لوێنی زانکۊ. شووما پا پیسیس کەرد کە زانکۊنە وانێنێ، بنەیانەکەما ئینەشا پیسە عەقلیەتێوە بە ئێمە فێر کەرڎەبێ، وەلۍ سەعبەنە کە چەمۍ کەرێنمێوە کابووسۍ وینێنمۍ و واچێنمۍ ئاخۊ چێش ڕووە بدۊ؟ ژیوایما چێشش سەر بێ؟  من بەختەوەریی پێسە دڕندەیی وینێنا پەوکای ڕەمانۍ چونکوم فرسەتی ئابووریم زیاتەر بۍ جە واڵەکام، گرد ڕوۍ پا خەماوە وەرمنە ورێزێنمێ"

شەریفییە درێژەو قسەکاشنە واتش: " وەرەچەماو گردوو وەرنیشتی و ئەمریکایۊ ژەنی کۊکوشی کریا، پێسە بەیاننامەو چەمداری مافەکاو ئینسانینە ئامان کە١٠و ئابوو ٢٠٢٣ وەڵا کریانۊ 'قەیرانی مرۊیی چێروو دەسەڵاتوو تالیبانینە ٢ ساڵی وەڵینینە قوولتەر بییەنۊ و دەسدرێژیی قورس سەروو ژەنا قۊرتێوە  جیهانین، ئێمە ئیتر چێوێوەما نیا جەدەسش دەیمێ. تا گردوو جیهانۍ بەدارۍ جەنگوو یەکسانی با، ئێمە وەزمێرە سەروو جادەکا و بەرڎەوامێنمێ. وەلۍ پێسە چەمەڕوان کریۍ یەکڕیزیز نیا، ئێمە ئامایمۍ و چۍ مافوو ئەوەمەنەیما پەیدا کەرد، وەلۍ ئەی ئانۍ کە جیا مەنێنێ؟ کناچەکێما چێششا سەر مێ؟"

جیهان شایەتوو تەوەنوارانکەرڎەی ژەنان

شەریفییە واتش: "چەنی ئامای ڕژێموو تالیبانی، گردوو میکانیزمەکاو پارێزنای ژەنا فرە بەزووی دلێنە شیۍ و واتش، ئینە ماناو ئانەینە کە ژەنی ڕووبەڕووی تندوتیژیی خێزانیی باوە و ئیتر مەجالەو سکاڵێشا مەمەنۊ، ڕوانە دنیا شایەتەو تەوەنوارانکەرڎەی ژەنانە مەیدانەکانە. بەیانیێوە ژنێوە سۊچییۊ، وەرووو ئانەیە ڕازییە نەبیێنە بۊ بە ژەنەی یەرەمەو پیێوێ، کە بەناچاری شووش پەنە کەرڎەبێ، دەسدرێژی تند پەی سەروو ژەنا پەرسێوە جیهانییەنە".

ئێمە مزانمۍ کە چێش ڕووە مدۊ. پڕۊسەکە تا ئا وەختە بەرڎەوام بۊ. ئێمە  یانە وزیارەکانە وەرم بە فێمینیزمیوە وینمێ، چەنی هجوومی دڕندانەو کەلەپوورە کولتوورییە کۊنەکاو ساڵەکاو نەوەدەکا، بڕیەی پەنجۍ مۊسێقاژەنەکا، قەنارەدای جادەکانە بە فتواو شەرێحەتی، تەماساوو زنجیرە فیلمەکا گرد یاگێوەنە بەرڎەوام بۊ.  

دروشمەکاو کوردی و ژەناو ئەفغانی یۊنۍ

جگە جە مێرڎەکەیش، بنەیانەکەو شەریفیۍ ئیساتۍ ئەفغانستاننە مەنێنیوە، بڕۍ جارێچ بە تەلەفۊن نمەتاوا یۊترینی دۊنا و یاگۍ بێتاقەتییشانە. وەنەما پەرسا درووشم و ژەنی ژیوای ئازاڎی ماناش چیشەنە لاتاوە و واتش:  "هاگادارەو یۊبییەی ژەنە شۊڕشگێڵناو کابول-ئەفغانستانینا و قسەکێشام وانێنێوە. پێسە باسشا کەرد درووشموو ژەناو کوردی کە دژوو تالیبانی گژیا هەمان چیوا، ئینە ئەوەڵ هومێدێوەم پەنە بەخشۊ و بە گردوو ئا ژەنایچە بەخشۊ کە ئەڤغانستانەنە مژیوا‌‌".