زینڎانییاو ڕێبازوو پەکەکەی و پاژکی، یاڎوو ٣٩ ساڵەو هەڵمەتەو ١٥و ئابینە ئەرەیاوناێوەشا وەڵا کەرڎۊ و داواشا وەنەو خەڵکی کەرڎە، چالاکیۍ پاسنۍ کەرا کە خەباتوو گەریلای گەورەتەر کەرا و جوابدەرەوۍ کۊشیای گەریلای با.
دەنیز کایا، بە نامۍ زینڎانییاو پەکەکەی و پاژکیوە ئەرەیاوناێوەش وەڵا کەرڎۊ و دلێشنە واتش " جەژنەو گەریلای و ژیوایۊ ١٥و ئابی، کە بە ڕەنج و مانیای ماوەو ٣٩ ساڵاش ویەرنان و پاش نیان ٤٠ ساڵەو وێشۊ، سەرەتا جە ڕابەر ئاپۊی و جە کەسایەتیی فەرماندەی نەمر مەعسوم کۊرکماز (عەگید)ی، جە بنەیانەو گەشمەرڎاو ئینسانیەتی و ئازادی، جە گەلی ستەموەنەکریای و وێگێری، جە گەریلا قارەمانەکا، کە بە ڕۊحوو ١٥و ئابیوە کۊشیاێوە گەورە کەرا و بە ڕەنج و فیداکاری گورزی گەورە وەنەو دوژمنی مدا، جە گردی مەبارەک کەروو. جە کەسایەتیی فەرماندە عەگیدی و فەرماندە زیلانێنە، سەرجەموو گەشمەرڎاو ئازادیی بە ڕێز، وەشەسیای و پەنەزانایۊ یاڎ کەرووە".
جە ئەرەیاوناکەینە ئامان، "پەی گەلوو کوردی، کە کۊیلایەتییش ملەرە سەپیابۍ و جە ڕووەو جەستەیی و کولتوورییوە تیرۊرۍ کریێنۍ، هەڵمەتەو گەریلای جە ١٥و ئابوو ١٩٨٤ینە هەنگامێوە تارێخییە بۍ بەرەو ژیواێوە ئازادی".
دەنیز کایا ئاماژەش پانەیە دا، "مانا و گەورەیی ئا چالاکییا کە ٣٩ ساڵۍ چێوەڵتەر ڕاو کۊمەڵۍ گەریلایاوە دھێنە و شەمزیناننە کریا، ئارۊ خاستەر هەستش پەنە کریۊ"، واتش: "پەی فرەو هێز و لایەنەکا بی بە سەرچەمێوە ئیسفادەکەرڎەی. جەژنەو ژیوایۊ هەڵمەتەو گەریلاو ١٥و ئابی بەهێوە گەورۍ سەروازی و سیاسی و کۊمەڵایەتی و کولتوورییەش هەنە، کاریگەریی ئی هەنگامۍ سەروو ئاستوو دلۍ و میاندەوڵەتی بە سەرمەشقایەتیی پەکەکەی و پاژکی بەتایبەتی ژنان و گەنجان، کاریگەرییەکی ئەفسانەیی لەسەر زۊرێک لە ڕێکخراو و لایەنەکان هەبوو. هێزی گەریلاکاما بە چالاکی جوابوو ئەرەگیری و کۊلۊنیالیزموو دەوڵەتوو تورکیشا داوە، هەمان وەختەنە فیشەکشا نیا زنجیروو کۊیلایەتیی سەروو گەلەکەیماوە، پێسە شێوەیە گەلەکەماشا جە کۊیلایەتی ڕزگار کەرد و بییەی گەلەکەیما جارێوە تەر سەروو لاپەلەکاو تارێخیوە نویسیایەوە".
دماو هەنگامەو گەریلای ١٥و ئابوو ینە١٩٨٤، خەباتوو گەریلای و ڕاسیی پەکەکە-پاژکی جە ڕووەو سەروازی، کۊمەڵایەتی، سیاسی و کولتوورییوە بەرڎەوام بی، هاموەخت چەنی کاریگەرییەکاش سەروو ئاستوو دلۍ و میاندەوڵەتیوە، کوردستانیچنە فرە فاڕیایۍ سیاسیۍ و کۊمەڵایەتیێش وەشۍ کەرڎۍ.
حەر جە ئەرەیاونایەکەینە ئامان، کە ئا مدرامانە بە هەڵمەتەو گەریلای جە ١٥و ئابوو١٩٨٤ کریا، گەلوو کوردیش جە وەرموو مەرگینە های کەرڎۊ، چەخماخەو مدرامانیش جە دڵ و مەژگوو گەلینە گیسنانە و وچیا : "کورد مەبۊوە پا کورڎەو جارانی، بیوە کورڎێوە کە قەرارش سەروو ژیواێوە ئازادی دا، پەی ژیواێوە ئازادی مدرامان کەرۊ و جەنگ کەرۊ".
زینڎانییاو ڕەوتوو پەکەکەی و پاژکی واتشا، کە هەنگامەو گەریلای جە ١٥و ئابینە، کە ٣٩ ساڵێش ویەرنان، بە مدرامانێوە گەورەوە پا منیۊ ٤٠ ساڵەو وێشۊ، جە ڕوانگەو سەروازی، کۊمەڵایەتی، سیاسی، کولتووری، زانستی و فەلسەفییوە گەورە بۊ. ئەرەیاوناکەینە ئامان، "چالاکیی گەریلای جە ١٥و ئابوو ١٩٨٤ وەروو ئانەیە گرنگیێوە گەورەش پەی گەلەکەیما هەن، پێسە جەژنەو ژیوایۊ بەرز مرمانیۊ و مەبارەکە کریۊ و پێسە قەرارێوە بە گوڕدای بە کۊشیای موینیۊ. هەرپاسە هەڵمەتەو گەریلای ١٥و ئابینە، جگە جەوهەری نەتەوەیی، ساعیبوو کارەکتەرێوە گەردوونینە، پێسە سەرەتاو هەڵمەتەو دیموکراسی و ئازادیی جیهانی جە لاپەلەکاو تارێخینە شکۊمەندانە یاگۍ وێش کەرۊوە".
چالاکییەکۍ پەی بەرزکەرڎەیۊ کۊشایای گەریلای
درێژەو ئەرەیاوناکەینە باس چانەیە کریان، کۊشیای گەریلای کە شەمزیناننە و دهێنە بە هێزەکاو ڕزگاریوازوو کوردستانی (هەرەکە) دەسش پەنە کەرد، ئارۊ کوردستاننە و تورکیانە بەتایبەت زاپ و ئاڤاشین و مەتینانە، بە ڕۊحوو پەکەکەی و پاژکیوە لاو ئاپۊییەکاوە و هەقیقەتوو مدرامانوو هەپەگەی و یەژاستاری بەرڎەواما، پێسە مدرامانوو شکۊمەندی و سایبداری جە بەها ئینسانییەکا، بەتایبەتی بەهاکاو گەلوو کوردی، پێسە هومێدێوە بەرڎەواما.
جە ئەرەیاوناکەینە ئامان، "یاواینەی جە گرنگیی خەباتوو گەریلای، کە بە فیداکاریێوە فرەوە کریۊ، تاکە ڕانە پەی ماڕای فاشیزمی. داوا وەنەو گەلوو کوردی و گرد لاێوە کەرمۍ وێشا بە ساعیبوو کۊشیای گەریلای بزانا، پەی گەورەکەرڎەی خەباتوو گەریلای و جوابدایۊ وەراوەروو کۊشیای گەریلاینە، چالاکیۍ کەرا".
س.ز
