سوپای تورک لە کۆبانی زوی و زارە کشتوکالیەکان دەسووتێنێت
دەوڵەتی داگیرکەری تورک و چەتەکانی زەویە کشتوکالیەکانی رۆژئاوای کۆبانی تۆپباران کرد و بەرهەمە کشتوکاڵیەکانی ناوچەکە سووتان.
سوپای داگیرکەر و چەتەکانی کە لە ناوچەی جەرابلوس جێگیر کراون، زەوی و زاری کشتوکاڵی گوندی بوراز کە دەکەوێتە رۆژئاوای کۆبانێ، بوردومان کرد.
بە پێی زانیاریەکان لە ئەنجامی تۆپبارانەکەدا کشت و کاڵ و دەخل و دانی ناوچەکە ئاگری گرت و دوای ماوەیەکی کورت توانراوە ئاگرەکە کۆنترۆڵ بکرێت.
دوێنێش هێزی داگیرکەران گوندەکانی هەجی ئیسماعیل، کەتەش، مشکۆ و بەندەر کە دەکەونە رۆژئاوای شاری کۆبانێ، تۆپباران کردبوو و بە هەمان شێوە داخل و دانی ناوچەکە ئاگری گرتبوو.
ز.ش
