هێرشی داگیرکەری لەدژی سەرێکانی بەردەوامە
لەگەڵ ئەوەی رێککەوتن لەنێوان ئەمریکا و تورکیادا کراوە، بەڵام هێرشەکانی سوپای تورکی داگیرکەر و چەتەکانی بۆ سەر شاروچکەی سەرێکانی بەردەوامە.
لەگەڵ ئەوەی رێککەوتن لەنێوان ئەمریکا و تورکیادا کراوە، بەڵام هێرشەکانی سوپای تورکی داگیرکەر و چەتەکانی بۆ سەر شاروچکەی سەرێکانی بەردەوامە.
قەڵای بەرخۆدان سەرێکانی ١٠ ڕۆژە بووە بە ئامانجی هێرشەکانی قوڕسی دەولەتی داگیرکەری تورک و بەرخۆدان بەردەوامە. ئەرسین چاکسوو پەیامنێرمان لە سەرێکانی هەواڵمان بۆ دەگوازێتەوە.
چاکسوو رایگەیاند، لەگەڵ ئەوەی لە ١٧ی مانگەوە رێککەوتن لەنێوان ئەمریکا و تورکیادا کراوە، بەڵام هێرشەکانی سوپای تورکی داگیرکەر و چەتەکانی بۆ سەر شاروچکەی سەرێکانی بەردەوامە.
چاکسوو وتی، "داگیرکەران هەوڵیاندا دوێنێ شەو بە چەکی قوڕس هێرش بکەنە سەر سەرێکانی. شەرڤانانی قەسەدە وڵامیان دایەوە و شەڕ لە بەرەی ڕۆژئاوای سەرێکانی بەردەوامە.
لە هێڵی سنوریش بە هەمان شێوە شەڕ بەردەوامە.
لە ڕۆژهەڵاتەوە سەرباز و چەتەکانی تورک هێرش دەکەنە سەر نەخۆشخانەی سەرێکانی.
بە هۆی ئەوەی هێرشێکی زۆر قوڕس لەسەر نەخۆشخانەی سەرێکانی هەیە، نەتوانرا دوو بریندار بگەیەنرێنە سەرێکانی و گیانیان لەدەستدا.
شەڕ بەردەوامە و جارێکیتر هێرش بۆ سەر نەخۆشخانەکە دەستپێکرا.
ف.ق