لە گۆڕستانی کارشیاکا بۆ یەک لە پێشەنگانی تەڤگەری چەپ ماهیر چایان و هاوڕێیانی کە پێش ٥٢ ساڵ لە گوندی قزڵ دەرەی ناوچەی نیکساری تۆکات کوژران، مەراسیمی یادکردنەوە بەڕێوەچوو. مەراسیمەکە لەلایەن ڕێکخراوەکانی کۆمەڵگەی دیموکراتیک و پارتە سیاسییەکانی شارەکەوە ڕێکخرا، سەرۆکی لقی ئەنقەرەی فیدراسیۆنی کۆمەڵی ٧٨ هەمین، حوسەین ئەسەنتورک لە یادەکەیدا  ئاماژەی بەوە کرد هەرچەند ماوەیەکی زۆر بەسەر کۆمەڵکوژییەکەدا تێپەڕیوە بەڵام هێشتا ڕۆحی تێکۆشەرەکان زیندوو و ڕێگەمان پیشان دەدات، گوتی: "ئەوان میراتێکی مەزنی تێکۆشانی شۆڕشگێڕییان ئافراند. بەڕێزەوە سەری ڕێزیان بۆ نەوی دەکەین".

ئەسەنتورک ڕایگەیاند بەو ڕۆحی یەکێتییەی لە قزڵ دەرە ئافرێنرا پێویستە لە سەراپای ئەم جوگرافیایە دژی فشار و زۆرداری، تێکۆشان بە سەرکەوتن تاجدار بکرێت.

پاشان هاوسەرۆکی پارتی یەکسانی و دیموکراسیی گەلان (دەم پارتی) شاری ئەنقەرە، فاتن کانات شەهیدانی بیرهێنایەوە و گوتی: " پێویستە دژی دەسەڵاتی زۆردار و ستەمکاری ئێستە هەمان درووشم و تێگەیشتن سەرپێ بخەین و هەنگاوبنێین بۆ ئەو ڕۆژانەی کە نموونەکانی یەکگرتن و تێکۆشانی شۆڕشگێڕی بە زیندوویی دەهێڵنەوە".

پلاتفۆرمی ڕەنج و دیموکراسی مێرسین کۆنفرانسێکی چاپەمەنی بەست و ماهیر چایان و هاوڕێکانی بیرهێنایەوە. کاندیدانی هەڵبژاردنەکەی سبەینێ بیرخرانەوە و بانگەوازکرا بۆ تێکۆشانی هاوبەش.