لە ناوچەی لیجەی ئامەد، دوای پیرۆزباییەکانی نەورۆزی ٢١ی ئاداری ٢٠٢٣، هێزەکانی پۆلیس مێرمنداڵێکی تەمەن ١٤ ساڵان بەناوی ی.د. دەڕفێنن و ئەشکەنجەی دەکەن. لە سەر ئەو کردەوەیە دۆسیە کرایەوە و خولی چوارەمی دادگاییەکە بەڕێوەچوو.

بنەماڵەی ی.د. و پارێزەرەکەیان مەهدی ئۆزدەمیر لە دانیشتنەکەدا بەشداریان کرد. پۆلیسە تۆمەتبارەکان ئایکوت ئۆراڵ، ئیساعیل ئاککوش، ئەمرە ئۆزجان، گۆکهان بای و خەیرەدین چاکماک لە گەڵ پارێزەرانیان لە دانیشتنەکەدا ئامادە بوون.

لە دانیشتنەکەدا داواکاری گشتی، بە تاوانی " ئازادی مێرمنداڵەکە پێشێل کراوە" و "زیان گەیاندراوە بە ماڵ و حاڵی" سزای ١٤ ساڵ و٦  مانگی بەسەر تۆمەتباراندا دەر کرد.

 لە سەر داوای پارێزەری تۆمەتبارەکان دادگا، کاتی پێدا چوونەوەکەی بۆ کاتێکی تر قبوڵ کرد و دانیشتنەکەی بۆ ٥ی حوزەیران درێژ کردەوە.