چالاکی ئێشکگری هێزەکانی ئاشتی و دیموکراسی لە ئیستەنبوڵ لە گۆڕەپانی شیشحانی بیوغلو دژی دەستبەسەراگرتنی شارەوانی جولەمێرگ ١٧ ڕۆژە بەردەوامە.

لە چالاکییەکەدا پانکارت و درووشمەکان دژی دانانی قەیوم بەرزکرانەوە.

هاوسەرۆکی مەجلیسی ئیکۆلۆژی دەم پارتی ئیبراهیم ئاکین تیشکی خستەسەر ئاگرەکەی ئامەد و مێردین و وەک قڕکردنی ئیکۆلۆژی ناوی برد، گوتی: "بەرئەنجامی نزیکایەتی خەمساردانەی دەوڵەتە. لە ئەنجامدا ٦٦ کیلۆمەتر خاک سووتا و چەندین مرۆڤ برینداربوون، ئەم داگیرکارییە فەرمییە بۆ سەر ماڵ و خاک و ئاوی گەلەکەمان شەرمەزار دەکەین".

سیاسەتی قەیوم دانەبڕاوە لە هێرشی ئیکۆلۆژی

هاوسەرۆکی دەم پارتی گازیۆسمان پاشایی، ڕوقیە ئادی گوزەل ڕایگەیاند ١٧ ڕۆژە ئێشکگری دەگرن، بۆ خاوەنداری لە ڕەنج و پاشەڕۆژ و ئیرادەی خۆیان، گوتی: "تا هێنانی ئاشتی و یەکسانی و دیموکراسی بۆ جوگرافیا، تێکۆشانمان لە هەموو گۆڕەپانێک بەردەوام دەبێت".

هاووتەبێژی تەڤگەری ئیکۆلۆژی میزۆپۆتامیا دەریا ئایکۆل ڕایگەیاند لە تورکیا و کوردستان تێکۆشانێکی ئیکۆلۆژیک و ڕێکخراوی هاوبەش پێویستە، بەتایبەت لە کوردستان ڕووبەڕووی هێرشی وەک سوتاندنی دارستان و وێرانکاری ئیکۆلۆژی دەبینەوە، گوتی: "سیاسەتی قەیوم دابڕاو نییە لە هێرشی ئیکۆلۆژیک. هەردەم دژی سیاسەتی شەڕی تایبەت تێدەکۆشین".

چالاکیەکە بە بەرزکردنەوەی درووشم کۆتایی هات.