چەتەکانی داعش لە کاتژمێرەکانی بەرەبەیانی ٢٥ ی حوزەیرانی ٢٠١٥ لە گوندی بەرخبۆتان و شاری کۆبانێ کۆمەڵکوژیان پێکهێنا و سەدان هاوڵاتیان شەهید کرد. بەم بۆنەیەوە سەدان دانیشتووی کانتۆنی فورات ڕوویانکردە گۆڕستانی شەهیدانی کۆمەڵکوژییەکە لەسەر ڕێگەی جەرابلوس لە شاری کۆبانێ و  گۆڕستانی شەهیدانی کۆمەڵکوژییەکە لە گوندی بەرخبۆتان.

پاش خولەکێک ڕێزگرتن لە یادی شەهیدان، هاوسەرۆکی ئەکادیمیای بنەماڵەی شەهیدانی ئەمگیهان جودی، سلێمان سلێمان گوتی: "ئەم کۆمەڵکوژییە ئاستی دڕندایەتی تێپەڕاند، مناڵ و ژن و پیر کوژران. ویستیان گەلەکەمان بترسێنن و گەلەکەمان و ئیرادەی گەلەکەمان لەناوببەن. بەڵام دیسان سەرکەوتوو نەبوون".

لە گۆڕستانی گوندی بەرخبۆتان، ئەندامی مەجلیسی گشتی پارتی یەکێتی دیموکراتیک (پەیەدە)ی کانتۆنی فورات ساڵەح نوح، گوتی: "کوشتن و کۆمەڵکوژی لە مێژووەوە بەسەر ئەم گەلەدا هاتووە، نە مناڵ و نە ژن و نە پیر لە دڕندایەتی داگیرکەر دەرباز نەبوون. ئێمە بە هێزی شەهیدەکانمان سەردەکەوین. شەهیدانمان هێڵی ئازادیین. پێویستە ئێمە تۆڵەی شەهیدانمان بکەینەوە، بەرخۆدان بکەین و بەرامبەر داگیرکاری سەربکەوین".