سەرۆکی پەرلەمان نوعمان کورتولموش پەیوەست بەو کۆمیسیۆنەی کە پلان وایە بۆ چارەسەری پرسی کورد پێکبهێنرێت، لەگەڵ سەرۆک فراکسیۆنی پارتە سیاسییەکان کۆبووەوە. لە کۆبوونەوەکەدا کە نزیکەی ٢ کاتژمێر و نیوی خایاند، دەربارەی ئامانج و بەرفراوانی و پێکهێنانی کۆمیسیۆنەکە، وتوێژ کرا.

پاش کۆبوونەوەکە سەرۆک فراکسیۆنی پارتی یەکسانی و دیموکراسیی گەلان (دەم پارتی) گوڵستان کیلیچ کۆچیگیت وەڵامی پرسیاری ڕۆژنامەنووسانی دایەوە، ڕایگەیاند کۆبوونەوەکە زۆر باش بووە، گوتی: "لەبەرئەوەی پارتەکانی تر هیچ لێدوانێکیان نەداوە، منیش هیچ زانیارییەکی زیاتر ناخەمەڕوو".