جێگری ئەمینداری گشتیی کۆمکاری عەرەبی حوسام زەکی رایگەیاند، لەم هەفتەیەدا کۆمکاری عەرەبی لەسەر چەند پرسێکی وڵاتنی عەرەب لەوانە قەیرانی سوریا، یەمەن، لیبیا، عێراق و دەستوەردانەکانی تورکیا و ئێران کۆدەبێتەوە.

حوسام زەکی باسی لەوەشکرد کە بڕیاریانداوە لەبارەی هێرش و دەستوەردانەکانی تورکیا و پێشێلکردنی سەروەری خاکی عێراق گفتوگۆ بکەن.

دوێنێ جێگری وەزیری دەرەوەی عێراق بەمەبەستی بەشداری لە کۆبوونەوەی کۆمکاری عەرەبی گەیشتبووە جەزائیر.

وەزارەتی دەرەوەی عێراق لە بارەی سەردانەکەوە راگەیەندراوێکی بڵاوکردبووەوە و ئاماژەی بەوەکردبوو کە دوێنێ جێگری وەزیری دەرەوەی عێراق لەگەڵ ژمارەیەک لە وەزیرانی دەرەوەی وڵاتانی عەرەبی کۆبووەتەوە و تەوەرو بابەتەکانی کۆبوونەوەکەی هەڵسەنگاندووە.

هـ . ب