لە هەورامان تەقینەوەیەک ڕوویدا
لە شارۆچکەی تەوێڵەی سەر بە پارێزگای هەڵەبجە، بەهۆی تەقینەوەی گولەهاوەنێکەوە دوو هاوڵاتی گیانیان لەدەستدا و هاوڵاتییەکی تر بریندار بوو.
لە شارۆچکەی تەوێڵە لە هەورامان، بەهۆی دەستکاریکردنی گولەهاوەنێکەوە دوو هاوڵاتی گیانیان لەدەستدا و هاوڵاتییەک بریندار بوو، هاوڵاتییەکان دانیشتووی شاری هەڵەبجەن و تەمەنیان ٣١ ساڵ و ٢٢ ساڵە، بریندارەکەش ڕەوانەی نەخۆشخانەی فریاکەوتنی هەڵەبجە کراوە بۆ وەرگرتنی چارەسەر.
وتەبێژی پۆلیسی هەڵەبجە ڕایگەیاند، لێکۆڵینەوەیان دەستپێکردووە سەبارەت بە وردەکارییەکانی ڕووداوەکە.
