بە پێشەنگایەتیی بزووتنەوەی گەنجانی شۆڕشگێڕ (تەجەشە) و ژنانی گەنجی تێکۆشەر (تێکۆژن)، ڕێپێوانێک بۆ ئازادیی جەستەیی ڕێبەری گەلی کورد عەبدوڵا ئۆجالان لە ناوچەی درانسیی پاریس بەڕێوەچوو.

لە ڕێپێوانەکەدا وێنەکانی ڕێبەری گەلی کورد عەبدوڵا ئۆجالان، ئاڵاکانی پەکەکە و تەجەشە بەرزکرابوونەوە و پۆستەرێکیش، کە لەسەری نووسرابوو "ژیانی ڕێبەر عەبدوڵا ئۆجالان لە مەترسیدایە" و "گەنجان فیدایانی ڕێبەر ئاپۆن" بەرزکرابوویەوە.

لە ڕێپێوانەکەدا، گەنجان بە بەردەوامی دروشمەکانی "بژی سەرۆک ئاپۆ"، "ئازادی بۆ ئۆجالان"، "دیکتاتۆر ئەردۆغان"، "بکوژ ئەردۆغان"، "مەرگ و نەمان بۆ رژێمی فاشیستیی تورکیا" و "بژی بەرخۆدانی گەریلا" دەوترانەوە.

گەنجان بە ڕێپێوان بەرەو شارەوانیی ناوچەی درانسی بەڕێکەوتن و لەوێ لێدوانێکیان بۆ چاپەمەنییەکان دا و لە ڕاگەیەندراوەکەیاندا، تیشکیان خستە سەر گرنگیی ئازادکردنی ڕێبەری گەلی کورد عەبدوڵا ئۆجالان.

هەروەها گەنجان لە راگەیانداروەکەدا داوای تێکۆشانێکی هاوبەشیان کرد.

ژ.ت