لە شاری سیندنی ئوسترالیا لە چالاکییەکی جەماوەرییدا ٤٦هەمین ساڵیادی دامەزراندنی پەکەکە پیرۆزکرا.

چالاکییەکە لە ناوەندی کۆمەڵگەی دیموکراتیکی کورد (نەجەدەکە) ئەنجامدرا و هاوسەرۆکی دەکتەم ڕوناهی قەندیل لە چالاکییەکەدا قسەی کرد و گوتی: "سڵاو دەنێرین بۆ ئەندازیاری فەلسەفەی "ژن، ژیان، ئازادی" ڕێبەر ئاپۆ".

هاوسەرۆکی نەجەدەکە تەیمور تاتڤانیش قسەی کرد و گوتی: "ڕێبەر ئاپۆ و هەڤاڵەکانی ٤٦ ساڵ لەمەوپێش پەکەکەیان دامەزراند، ئەمڕۆ بە ملیۆنان کەس لە دەوری کۆبوونەتەوە و بووە بە بزووتنەوەی گەل. لە سایەی تێکۆشانی ڕێبەر ئاپۆ و تێکۆشانی مێژوویی پەکەکە، شۆڕشی کوردستان نزیکە لە ئازادی و سەرکەوتن. ڕێگەی ژیانێکی شکۆمەند و ئایندەیەکی ئازاد کۆبوونەوە لەدەوری ڕێبەر ئاپۆ و پەکەکە و مەزنکردنی تێکۆشانە".

هاوسەرۆکی ناوەندی کۆمەڵگەی دیموکراتیکی کوردی ئوسترالیا بورسک ئایڤەری، ڕایگەیاند پەکەکە بووە بە هێز و هیوای هەر چوار پارچەی کوردستان و گوتی: "وەک گەلی کورد لە هەر کوێیەک بین، دەبێت خاوەندارێتی لە ڕێپێوانی سەرکەوتن بکەین و ئەرک و بەرپرسیارێتی خۆمان بە بەجێ بهێنین".

چالاکییەکە بە خوێندنەوەی شیعر، گۆرانی و هەڵپەڕکێ کۆتایی هات.