لە دژی گۆشەگیری سەر ڕێبەری گەلی کورد عەبدوڵا ئۆجالان و لەهەمبەر پێشێلکردنی مافی مرۆف لە بەندیخانەکاندا کە لەم دواییانەدا زیاتربووە، گیراوانی دۆزی پەکەکە و پاژک لە ڕۆژی ٢٧ی تەشرینی دووهەمی ٢٠٢٠ەوە دەستیان داوەتە مانگرتن لەخواردن.

لە بەندیخانەی گیراوانی ئەمنی وان ٣ گیراو، لە بەندیخانەی تیپی (اف)ی وان ٣گیراو و لە بەندیخانەی تیپی (ت)ی وانیش گیراوێک دەستیان داوەتە مانگرتن لەخواردن.

گیراوانی بەندیخانەی تیپی(اف)ی وان کە مانیان لەخواردن گرتووە ناوەکانیان بریتین لە : ئایدین کووش، سینان بیتیک، رەزان مەحموود. قەرار وایە گیراوان دوای تەواو بوونی مانگرتنەکەیان دەورەکە ڕادەستی حەسەن ئاکمان، ئیزبات ئۆران و سەیتان چالشر بکەن.

ک-ش