لە یەریڤانی پایتەختی ئەرمەنستان بە درووشمی "نەورۆزی ئازادی ڕێبەر ئاپۆ" نەورۆز پیرۆزکرا. گۆڕەپانی ئاهەنگەکە بە وێنەی ڕێبەری گەلی کورد عەبدوڵا ئۆجالان و شەهیدانی نەورۆز ڕازێنرایەوە. لە ئاهەنگەکەدا درووشـمی "بژی سەرۆک ئاپۆ" و "ژن، ژیان، ئازادی" و "شەهید نامرن" بەرزکرایەوە.

پاش خولەکێک ڕێزگرتن لە گیانی شەهیدانی ئازادی کوردستان، پەیامی ڕێبەری گەلی کورد عەبدوڵا ئۆجالان و ئەندامی کۆمیتەی بەڕێوەبەری پەکەکە موراد قەرەیلان بۆ نەورۆز پیشاندرا.

پاشان پەرلەمانتاری ئەرمەنستان کینیاس حەسەنۆڤ گوتی: "نەورۆز جەژنی گەلی کوردە، جەژنی ڕێبەر ئاپۆیە. نەورۆز جەژنی سەرهەڵدان و بەرخۆدانە. جەژنی ڕێبەر ئاپۆ و گەلی کورد پیرۆز دەکەم".

پاشان پەیامی سەرۆک وەزیرانی ئەرمەنستان نیکۆل پاشینیان بۆ نەورۆز لەلایەن کینیاس حەسەنۆڤ خوێنرایەوە.

هاوسەرۆکی کۆمیتەی کوردستان سیلۆ دربۆیان نەورۆزی لە ڕێبەری گەلی کورد عەبدوڵا ئۆجالان و چوار پارچەی کوردستان و گەریلاکانی ئازادی کوردستان پیرۆز کرد و گوتی: "لەم نەورۆزەدا جۆش و ئیرادەی تێکۆشانمان زیاتر بووە بەو مزگێنییەی کە بەرخۆدان و شەڕمان فراوانتر و بەهێزتر دەکات. بێگومان سەردەکەوین".

ئەندامی یەکێتی ژنانی ئازاد سەیران جەلاد گوتی: "نەورۆز بەرخۆدانە، نەورۆز پاراستنی گەل و چاندی خۆمانە. سڵاو لە ڕێبەر ئاپۆ دەکەین. ئێمە قەرزاری ڕێبەر ئاپۆین. چونکە ئەم فەلسەفەیەی پێ بەخشین و بەمەش ژنی ئازاد. وەک ژنان بەهۆی ئازادی ئەمڕۆمانەوە قەرزاری رێبەر ئاپۆین".

ئاهەنگەکە بە گۆرانی و درووشم و هەڵپەڕکێ کۆتایی هات.