لە ئەسینای پایتەختی یونان بۆ یادکردنەوەی ساکینە جانسز (سارا) یەکێک لە دامەزرێنەرانی پەکەکە، فیدان دۆغان (ڕۆژبین)، لەیلا شایلەمەز (ڕۆناهی) بە بەشداری سەدان کوردستانی ڕێپێوان ئەنجامدرا. لە چالاکیەکەدا پانکارت و پۆستەری سێ ژنە شۆرشگێرەکە بەرزکران. هەروەها چالاکوانان ئاڵاکانی پەکەکە، کەجەکە و پۆستەری عەبدوڵلا ئۆجالان ڕێبەری گەلی کوردیان هەڵگرتبوو. ڕێپێوانەکە لە گۆڕەپانی ساینتاگمای ئەسینا تاوەکو باڵیۆزخانەی فەڕەنسا بەردەوام بوو.

لە ڕێپێوانەکەدا بێوەستان دروشمی ' بژی سەرۆک ئاپۆ، ژن ژیان ئازادی، سارا ڕۆژبین رۆناهی، فاشیست ئەردۆغان و بکوژ ئەردۆغان' وترانەوە.

لەبەردەم باڵیۆزخانەی فەڕەنسا لەبارەی کۆمەڵکوژی پاریس راگەیەنراوێک خوێنرایەوە و دواتر بۆ ئاشکراکردنی کۆمەڵکوژیەکە دۆسیەیەک ڕادەستی کۆنسوڵخانەی فەڕەنساکرا.

'ئێمە لەسەر ڕێگەی شەهیدەکانمانین'

دواتر گەل تاوەکو بەردەم باڵیۆزخانەی دەوڵەتی تورک ڕێپێوانی ئەنجامدا. خەجێ کاڵکان لەبەردەم باڵیۆزخانەی تورک قسەی کرد و وتی، " دەوڵەتی تورک لە ژنان و تێکۆشانیان دەترسێت. لەبەرئەوەش لە ژنان توڕەیە. سارا، ڕۆژبین و ڕۆناهیش لەلایەن دەوڵەتی تورک و گڵادیۆی نێودەوڵەتیەوە شەهیدکران. گەلی کورد و ژنان بە چالاکیەکانیان وڵامی کۆمەڵکوژیەکە دەدەنەوە. لە ئەورۆپا ٥ رۆژە  چالاکیەکان بەردەوامە. پێویستە داگیرکەران بزانن کە روویان ڕەشە. دەمامکە قێزەونەکانیان کەوتوون و دیارە کە کۆمەڵکوژکارن. ئێمە لەسەر ڕێگەی سارا، ڕۆژبین و ڕۆناهین و تێکۆشانیان رۆژ بە رۆژ گەورەتر دەبێت."

ف.ق