پارێزه‌ران به‌مه‌به‌ستی ڕۆشتن بۆ ئیمرالی داواكاری نوێیان پێشكه‌ش كرد
پارێزه‌رانی ڕێبه‌ری گه‌لی كورد، عه‌بدوڵا ئۆجالان، بۆ ئه‌وه‌ی بتوانن چاویان به موه‌كیله‌كه‌یان بكه‌وێت، داواكارییه‌كی نوێیان پێشكه‌ش كرد.
ماوه‌ی دوو ساڵ و چوار مانگه، هیچ زانیاری و هه‌واڵێك له‌باره‌ی ڕێبه‌ری گه‌لی كورد، عه‌بدوڵا ئۆجالان و زیندانیانی دیكه‌ی ئیمرالی به‌رده‌ست نییه.
هه‌ریه‌ك له ڕێزان ساریجا، ڕازییه ئۆزتورك، مه‌زڵوم دینچ و فایه‌ق ئۆزگور ئه‌رۆل، پارێزه‌رانی نووسینگه‌ی یاسایی سه‌ده، بۆ ئه‌وه‌ی بتوانن موه‌كیله گۆشه‌گیركراوه‌كانیان، عه‌بدوڵا ئۆجالان، عومه‌ر خه‌یری كۆنار، حامیلی یه‌ڵدرم و وه‌یسی ئاكتاش ببینن، سه‌ردانی هه‌ریه‌ك له داواكاری گشتی كۆماری بورسا و به‌ڕێوه‌به‌رایه‌تی زیندانی ئیمرالیان كرد.
نووسینگه‌ی یاسایی سه‌ده و بنه‌ماڵه‌ی زیندانیانی ئیمرالی، له ڕۆژی ٢٥ی ئاداری ٢٠٢١ه‌وه نه‌یانتوانیووه هیچ زانیارییه‌كیان له‌باره‌ی ڕێبه‌ری گه‌لی كورد، عه‌بدوڵا ئۆجالان وه‌ربگرن.
ژ.ن
