پارێزەران بەمەبەستی رۆیشتن بۆ ئیمراڵی سەرلەنوێ داواکارییان خستەڕوو
بەمەبەستی دیدار لەگەڵ رێبەری گەلی کورد عەبدوڵا ئۆجالان کە ٤٣ مانگە هیچ هەواڵێکی نازانرێت، پارێزەرانی سەرلەنوێ داواکارییان بەرزکردەوە.
پارێزەرانی نوسینگەی یاسایی سەدە بۆ ئەوەی بتوانن موەکیلەکەیان عەبدوڵا ئۆجالان ببینن، سەردانی داواکاریی گشتیی کۆماری لە بورسا و بەڕێوەبەرایەتی زیندانی ئیمراڵییان کرد.
پارێزەران بۆ دیدار لەگەڵ موەکیلەکانی دیکەشیان لە ئیمراڵی؛ عومەر خەیری کۆنار، حامیلی یەڵدرم و وەیسی ئاکتاش هەمان داواکارییان پێشکەش کرد.
داواکارییەکە لە لایەن پارێزەرانی نوسینگەی یاسایی سەدە ئیبراهیم بیلمەز، جەنگیز یورەکلی، عەمران ئەمەکچی و سوزان ئاکیپا بەرزکرایەوە.
