پارێزەران بۆئەوەی بچنە ئیمڕالی جارێکی دیکە سەردانی بەرپرسانیان کرد
پارێزەرانی ڕێبەر ئۆجالان، بە مەبەستی چوونە ئیمراڵی و سەردانییکردنی ڕێبەر ئۆجالان، داواکارییان پێشکەشی داواکاری گشتیی کۆماری بورسا کرد.
نەورۆز ئویسال، ئیبراهیم بیلمەز، مەزلوم دینچ و سەربای کۆکلو، پارێزەرانی عەبدوڵا ئۆجالان ڕێبەری گەلی کورد، بۆ ئەوەی لە زیندانی دوورگەی ئیمرالی چاویان بە بریگرتەکەیان بکەوێت، داواکاریی دیداریان پیشکەشی داواکاری گشتی کۆماری بورسا کرد.
داواکاری گشتیی کۆماری لە بورسا بە پاساوی نووسینی “نەخشەڕێ”، کە ڕێبەر ئۆجالان لەگەڵ پارێزنامەکانی پێشکەشی دادگای مافی مرۆڤی ئەوروپای کردبوو، ڕایگەیاندبوو، لە ٢٣ی ئەیلولی ٢٠٢٠ـەوە بۆ ماوەی ٦ مانگ هەموو چاوپێکەوتن و سەردانێکی پارێزەران بۆ ئیمرالی قەدەغە دەکەن، سەرباری ئەوەی ماوەی ئەو قەدەغەکارییە لە ٢٣ی ئاداری ٢٠٢١ـدا کۆتایی پێهاتووە، بەڵام وێڕای ڕۆژانە سەرلێدان کردنی پارێزەران بۆ چوونە ئیمراڵی، داواکارییەکانیان بۆ ئەنجامدانی چاوپێکەوتن ڕەت دەکرێتەوە.
پارێزەران دوای ٨ ساڵ ڕێگریی، لە ٢ی ئایاری ٢٠١٩ و لە دوایین جاریشدا لە ٧ی ئابی ٢٠١٩ دا توانیبویان چاویان بە بریگرتەکەیان بکەوێت.
ف.ق
