موتڵەق تۆزون کە لە زیندانی جۆری T ی مانیسا ڕادەگیرا، بەهۆی نەخۆشیی سەختەوە ڕەوانەی نەخۆشخانە کرا و بڕیاری ئازادکردنی درا. تۆزون سەرلەبەیانی ئەمڕۆ لە نەخۆشخانەی پەروەردە و لیکۆڵینەوەی وان گیانی لەدەستدا. گەل لەپێش نەخۆشخانە تەرمی تۆزونیان وەرگرت.

بێجگە لە بنەماڵە و خزم و هەڤاڵەکانی، پەرلەمانتاری پارتی یەکسانی و دیموکراسیی گەلان (دەم پارتی) پەروین بوڵدان، کاندیدانی هاوسەرۆکی شارەوانی شاری مەزنی وان نەزلیهان شەدال و عەبدوڵا زەیدان، بەڕێوەبەرانی کۆمەڵەی پشتیوانی لە بنەماڵەی زیندانیان و بێسەروشوێنانی لانکەی شارستانیەتی میزۆپۆتامیا (مەبیا دەر) و کۆمەڵەی هاوکاری بنەماڵەی زیندانیان (توای دەر) و چەندین کەس هاتنە بەردەم نەخۆشخانە و سەرەخۆشیان لە بنەماڵەکەی کرد.

لەپێناو بە خاکسپاردنی، بە کاروانێک تەرمی تۆزون گوازرایەوە بۆ شارەکەی لە ناوچەی پانۆسی ئاگری.