ئێشکگریی ئازادی لە ٢٥ی حوزەیرانی ٢٠١٢ ەوە بە دەستپێشخەریی "ئازادی بۆ عەبدوڵا ئۆجالان"، بۆ ئازادی جەستەیی ڕێبەری گەلی کورد عەبدوڵا ئۆجالان، لە شاری ستراسبۆرگی فەرەنسایە دەستی بە چالاکییەکانی کردووە و ئێستا چالاکییەکانی لە هەفتەی ٥٤٠هەمین دایە.

چالاکییەکە هەموو هەفتەیەک لەلایەن کۆمەڵێک لە کوردستانیان و دۆستانیانەوە لە ئەوروپا بەڕێوەدەچێت. ئێشکگرانی ئەم هەفتەیەش گروپێکن لە شاری ستراسبۆرگ.

گروپەکە پێکهاتوون لە وەلی تەکینەر، محەمەد عەلی چۆبان، سیدار ئامەد و ئیسماعیل فیرات.

وتەبێژی گروپەکە سیدار ئامەد ڕایگەیاند، بۆ ئازادیی جەستەیی ڕێبەری گەلی کورد عەبدوڵا ئۆجالان لە چالاکیی و ئێشکگریدان و داوای لە کوردانی ئەوروپا کرد، زیاتر پشتیوانی لە چالاکیی ئێشکگری بۆ ئازادی بکەن.

سیدار ئامەد وتیشی: "ئێشکگریی ئازادی لە ١١هەمین ساڵدایە و چالاکییەکە بەبێ ڕاوەستان بەردەوامە. ئەمڕۆش بە ناوی وڵاتپارێزان و نیشتمانپەروەران لە ستراسبۆرگ لە چالاکیی ئێشکگریدان بۆ ڕێبەرایەتی. بانگەوازمان بۆ وڵاتپارێزان و نیشتیمان پەروەران لە هەموو وڵاتانی ئەوروپا ئەوەیە، کە پشتیوانی لەم چالاکییە بکەن. بژی خەبات و تێکۆشانی ئازادیی کوردستان. بژی پارتی کرێکارانی کوردستان، بژی سەرۆک ئاپۆ".

ژ.ت