ئەسەپە داوایکرد لە دژی داگیرکاری ڕاپەڕن
پارتی سۆسیالیستی بندەستان (ئەسەپە) بانگەوازیکرد لە دژی داگیرکارییەکانی دەوڵەتی تورکی داگیرکەر لەسەر باشووری کوردستان ڕاپەڕن.
پارتی سۆسیالیستی بندەستان (ئەسەپە) بانگەوازیکرد لە دژی داگیرکارییەکانی دەوڵەتی تورکی داگیرکەر لەسەر باشووری کوردستان ڕاپەڕن.
ئەسەپە-کوردستانی ڕاگەیاندراوێکی نوسراوی بڵاوکردوەوە و ڕایگەیاند: "ڕژێمی فاشیستی داگیرکەری ماوەیەکە هێرشەکانی لەسەر باشووری کوردستان و بەتایبەت لەسەر ئامێدی و سەرگەلێ بەردەوام دەکات. گوندەکانی هەرێمەکە چۆڵ دەکات و بۆردوومانەکانی بەردەوامە."
هەر لە درێژەی ڕاگەیاندراوەکەدا ئاماژەی بەوەکردووە ماوەی سێ ساڵە دەوڵەتی تورک چەکی ناوەکی و کیمیاوی بەکاردەهێنێت و تاوانی جەنگی ئەنجام دەدات، کە بەگوێرەی هەموو یاسا نێونەتەوەییەکان قەدەغەکراوە.
لە ڕاگەیاندراوەکەدا ئەسەپە سەرنج دەخاتە سەر هاوکارییەکانی پەدەکە بۆ دەوڵەتی داگیرکەری تورک و دەڵێت: "بێگومان پەدەکە لەم هێرشە داگیرکارییانەدا بە هاوکاریکردنی دەوڵەتی داگیرکەری تورک ڕۆڵێکی بنەڕەتی دەگێڕێت. پەدەکە بەردەوامە لە نۆکەری و هاوکارییکردن بۆ دووژمن."
هەرەوەها ئاماژەی بەوەدەکات ئەم داگیرکارییانەی دەوڵەتی تورک کە بە بەرچاوی جیهانەوە بەڕێوەی دەبات، ئامانجەکەی بۆ لەناوبردنی پەکەکە و پێکهێنانی خەیاڵەکانی میساقی میللیە.
لە کۆتایی ڕاگەیاندراوەکەدا ئەسەپە بانگەوازی بۆ تێکۆشان لە بەرامبەر داگیرکارییەکان دەکات و دەڵێت: "جەنگی نەگریس هەژارییەکانی سەر گەلەکەمان زیاتر دەکات. لەبەر ئەم هۆکارە پێویستە گەلەکەمان و هەموو لایەنە چەپگەرەکانی کرێکاران لەناو هێڵێکی مرۆڤایەتیانەدا بە تێکۆشانی حورمەت و ئازادی جێگەی خۆیان بگرن و بەشداری تێکۆشان بن."