ئەوە ڕاگەیاندراوە ژنێک بە ناوی ک. ئە. (٢٧ ساڵ) لە گەڕەکی چیگلی لە قەرس کە دایکی دوو مناڵە و دووگیانە، بە چەک خۆی کوشتووە.

بەگوێرەی زانیارییەکان، ڕووداوەکە لە ١١ ی ئاب ڕوویداوە. هاوژینەکەی بۆ کارکردن لە ئیستەنبوڵە و ژنەکە لەگەڵ ماڵباتی هاوژینەکەی دەژیا. پاش ئاگادارکردنەوەی تیمە تەندروستییەکان، گەیشتنە شوێنی ڕووداوەکە و تەرمەکەیان گواستەوە بۆ نەخۆشخانەی حکومی قەرس.

پاش کاروباری توێکاری، تەرمی ژنەکە لە گۆڕستانی دیگۆر بەخاکسپێردرا.