لە وڵاتی کەتەلۆنیا بە رێکخستنی زنجیرە چالاکییەک سڵاو لە بەرخودانی گەریلا لە دژی داگیرکەریی دەوڵەتی تورک کرا.

لە شار بارسلۆنا بە پێشەنگایەتیی کۆمیتەى بەرخودانی ئینتەرناسیۆنالیست (سی ئاڕ ئای / CRI) لە بەردەم نوێنەرایەتیی حکومەتی ئیسپانیا چالاکییەک ئەنجامدرا.

چالاکییەکە لە شاری لرێدا لەلایەن رێکخراوی گفتوگۆ لەگەڵ کوردستان  (Ponent amb Kurdistan) و رێکخراوی دەبلیۆ دی ئاڕ و لە بەردەم شارەوانیی شارەکەدا رێکخرا.

دەستەیەکیش بە ناوی گەڕان بە دوای ئازادیدا لە شاری ڤالینسیا لە دژی داگیرکەریی دەوڵەتى تورک چالاکییەکیان ئەنجامدا.

لە هەر سێ شارەکە لە چالاکییەکاندا راگەیاندراو خوێندرایەوە و بە وتنەوەى دروشم پشتیوانییان لە بەرخودانی گەریلا کرد.

چالاکییەکەی لرێدا بە گێڕانی گۆڤەند و هەڵپەڕکێ کۆتایی پێهات.

لە شاری مورسیاش بۆ هەمان مەبەسەت پۆستەر ئامادە کران و بە شوێنە گشتییەکاندا بڵاوکرانەوە.

ژ.ت