تەڤگەری ژنانی ئازاد (تەژەئا) بۆ شەرمەزارکردنی هێرشی ڕەگەزی ئەفسەرێکی سەربازی تورک بۆ سەر ژنێک لە شەرناخ، لە نسێبینی مێردین ڕێپیوانی ئەنجامدا. لە ڕێپێوانەکەدا درووشمی "ژن، ژیان، ئازادی" و "بژی بەرخۆدانی ژنان" و "بژی بەرخۆدانی زیندان" و "لێپرسینەوە لە چەتە گێچەڵکارەکان دەکەین" بەرزکرانەوە.

پاشان چالاکوانی تەژەئا ناهیدە ئولگەر ڕاگەیاندراوێکی خوێندەوە و تیشکی خستەسەر سیاسەتی شەڕی تایبەت دژی ژنان و مناڵان و گوتی، ئەفسەری تاوانبار دەپارێزرێت.

ئولگەر ڕایگەیاند لەلایەن تەڤگەری ئازادی ژنان و گەلی شکۆمەندمانەوە، سیاسەتی شەڕی تایبەت پووچەڵکراوەتەوە، جەختی کردەوە، وەک ژنان خۆپاراستن بەهێزتر دەکەن.

هاوسەرۆکی دەبەپە، چیدەم کلیچگون ئوچار ڕایگەیاند بەهۆی سیاسەتی دەسەڵاتی ئاکەپە-مەهەپە کوشتن و توندوتیژی سەر ژنان لە جڤاک و لە ماڵەکاندا زیاتر بووە، لە کوردستان سیاسەتی شەڕی تایبەت دژی ژنان پێش دەخرێت، بۆیە تاوانباران بەئاسانی لە کوردستان تاوان دژی ژنان ئەنجام دەدەن، بەڵام ژنان لە هەموو جێگەیەک خۆیان ڕێکخستووە، گوتی: "ئێمە دژی ئاکەپە خۆمان ڕێکدەخەین، دیسانەوە گوتنی "ژن، ژیان، ئازادی" دژی ئاکەپە و دەوڵەتی پیاوسالار دووپات دەکەینەوە".

ڕاگەیاندراوەکە بە درووشمی "ژن، ژیان، ئازادی" کۆتایی هات.