ژنان لە شتوتگارت لە چالاکییەکەیاندا وێنەى دەیان ژنیان بەرزکردەوە، کە کوژراون.

 ژنان لە چالاکییەکەیاندا رایانگەیاند، "ژنان لە هەەر چوارلای جیهانەوە لەلایەن حکومەتی تۆتالیتەر و توندوتیژەکانەوە، بە هۆی توندوتیژی، دەستدرێژی و ئەو تاوانانەی بەرامبەریان دەکرێت، دەکەونە رۆژەڤەوە".

لە راگەیاندراوی ئەو ژنە چالاکوانانەدا هاتووە:

"هەموو کات مافی ژنان لەلایەن دەوڵەت و دیکتاتۆرەکانەوە وەک نەبوو سەیر دەکرێت و هەموو کات لەلایەن دەسەڵاتەوە وەک هێزی ئۆپۆزسیۆن سەیر دەکرێن و لەوێوە کردەوەى توندوتیژانە بەرامبەریان دەستپێدەکات.

ئێمە وەک ژنان لە دژی سیاسەتە دیکتاتۆرییەکانی سەر ژنان بەرخودانی گەورە دەکەین. لە ١٠ ساڵی رابردوودا لە رۆژهەڵاتی ناوەڕاست و بە تایبەتی لە سوریا، شەنگال و رۆژئاوا هەزاران ژن کوژران.

داعش دەستیکرد بە رفاندنی ژنان و بە زۆر فرۆشتنی، کۆیلەی کردن، دەستدرێژیی کردنە سەر و ئەشکەنجەى جۆراجۆریان لە دژ ئەنجامدرا و دەوڵەتەکانیش لە بەرامبەر هەموو ئەوانەدا بێدەنگ بوون.

بە تایبەت لە جۆگرافیای کوردستاندا بە سەرۆکایەتیی رژێمی ئەردۆغانەوە بێ ئەژمار کردەوەى کوشتنی ژنان دەبینرێت، تاوانەکانی ئێستای شەڕ و ئەو بێدەنگییەى بەرامبەریان رێککەوت نییە".

دەستپێشخەریی ژنانی مەریم داوای بەشداریکردنیان لە چالاکییەکەی رۆژی چوارشەممەی داهاتوو لە هەموو ژنان و ئازادیخوازان کرد، کە  گۆڕەپانی شلۆس پلاتز بەڕێوەدەچێت.

ژ.ت