بە بۆنەی ٨ی ئادار رۆژی جیهانی ژنانەوە، بە پێشەنگایەتی یەکێتی ژنانی گەنج رێپێوانێکی جەماوەری لە کۆبانێ بەرێوەچوو.

بە دەیان ژن بە جلوبەرگی نەتەوەییەوە لە گۆڕەپانی شەهید عەگید کۆبوونەوە و بە دروشمەکانی "ژن، ژیان، ئازادی" رێپێوانیان کرد.

رێپێوانەکان تا گۆڕەپانی ژنی ئازاد بەردەوام بوو.

دوای رێپێوانەکە بە خولەکێک بێدەنگی رێز لە یادی شەهیدان گیرا و دواتر دەست بە گردبوونەوە کرا و وتەبێژی یەکێتی ژنانی گەنج لە کانتۆنی فورات نەدا شاهین وتەیەکی پێشکەش کرد.

نەدا شاهین وتی، "بەبۆنەی ٨ی ئادارەوە پیرۆزبایی لە سەرجەم ژنانی جیهان دەکەین و بە تایبەتیش لەو ژنانەی کە لەپێناو ئازادی لە چیا ئازادەکان درێژە بە تێکۆشان دەدەن".

دوای گردبوونەوەکە چالاکیەکە بە وتنەوەی دروشم کۆتایی هات.

هـ . ب