بەندکراوانی ژن و بە سیاسەتمەدارانیشەوە لە زیندانی ژنانی سینجاندا بە پاساوی ئەوەی جەژنی نەورۆزیان پیرۆز کردبوو، لێپرسینەوەیان لێکرا.

بەپێی زانیارییەکان، ئەو ژنە دیلکراوە سیاسییانە، کە لێکۆڵینەوەیان لەگەڵ دەکرێت بریتین لە: سیدار ڤارلو، ئالەڤ یارار، ڕۆزرین کورت، ساریە تاشکەسەن، ئایلا ئاکات ئاتا، دیلک یاگلی، عایشە یاگچی، مەریەم ئادی بەیلی، بیرجان یۆروڵماز و پەروین ئۆدونجو.

بەگوێرەی زانیارییەکان، لە ٢٣ی ئازاردا نووسراو بۆ زیندانییەکان نێردراوە، کە بەرگری لە خۆیان بکەن. لە لێکۆڵینەوەکەدا سوتانی کاغەز، پارچە ڕۆژنامەکان، وتنی گۆرانی بەزمانی کوردی، بە دەوری ئاگردا هەڵپەڕکێ و گۆڤەند و هەلهەلەلێدن کراوەتە بیانوو بۆ ئەوەى لێکۆڵینەوە لەو ژنە زیندانییە سیاسییانەى کورد بکرێت.

ژ.ت