سری ساکیک هاوسەرۆکى هەدەپە لە موش لەبارەى ئەوە قەدەغەکارییەوە رایگەیاند "ئامانجی ئێمە کارکردنە بۆ خستنەڕووی ئەنجامی رەواى هەڵبژاردنی شارەوانى لە شارەکەماندا".

 هەدەپە لە شاری موش تانەى لە ئەنجامى هەڵبژاردن داوە و رایگەیاندووە، ٢ هەزار و ٥٠٠ دەنگی هەدەپە پوچەڵکراوەتەوە و دواتر ئاکەپە بە جیاوازیى نزیکەى ٥٠٠ دەنگەوە خۆی کردووە بە براوەى هەڵبژاردنى شارەوانى، بەڵام ئەو ئەنجامە راست نییە.

لەبەر کاردانەوە و ناڕەزایەتیى هاووڵاتییان بەرامبەر بە ساختەکاری و تەزویرەکانى ئاکەپە لە هەڵبژاردنى شارەوانییەکان و لە شاری موش دا، پارێزگاری دەوڵەتى تورک بۆ شاردنەوەى دەنگی هاووڵاتییان و ناڕەزایەتییەکان هەمووجۆرە چالاکییەکی قەدەغە کرد.

بەپێى راگەیاندراوى پارێزگاری دەوڵەتى تورک لە موش، هەموو چالاکییەکانى کۆبوونەوە، خۆپیشاندان و رێپێوان بۆ ماوەى ١٥ رۆژ لە موش قەدەغە کراوە.

ر.م