"ژووری دەستپێشخەریی گەل" دوای یەکەم ڕاگەیەندراوی کە تیایدا هەڵمەتی 'ئیدی بەسە'ی ڕاگەیاندبوو و لەلایەن خەڵکەوە پێشوازی لێیکرا، دووەمین ڕاگەیەندراوی بە ناوی "پێکەوە لەدژی فاشیزم" بڵاو کردووەتەوە و تیایدا داوا لە خەڵکی ڕۆژهەڵاتی کوردستان کردووە ڕۆژی پێنجشەممە ١٤ی شوبات کاتژمێر ١٧:٠٠ بۆ ٢٠:٠٠ بڕژێنە سەر شەقام و مەیدانەکانی شارەکانی ڕۆژهەڵاتی کوردستان.

ژووری دەستپێسخەریی گەل لە ڕاگەیەندراوەکەیدا شوێنی خۆپێشاندانەکانی لە شارەکانی: سنە، سەقز، مەریوان، مەهاباد، بۆکان، ورمێ، خوی، ماکۆ، کرماشان، جوانڕۆ، شاباد و ئیلام دیاریکردووە.

دەقی ڕاگەیەندراوەکەی ژووری دەستپێشخەری گەل بەو شێوەیە:

پێکەوە لەدژی فاشیزم

دوژمنان بە ساڵانە بە نیازی لەناوبردنی داوا ڕەوا و مرۆییەکانی گەلەکەمانن لە هەر چوار بەشی کوردستان، هەروەها بە ساڵانە گەلی کورد لە سەنگەری بەرخۆداندایە، کە بەرخۆدانێکی مانادار و شکۆدارە. تەمەنی ڕەشی دوژمنانی گەلەکەمان بەرەو کۆتاییە و هەڵاتنی خۆری ئازادی نزیک بووەتەوە.

ژووری دەستپێشخەری گەل پەیوەستە بە ڕاگەیەندراوی ژمارە یەکی خۆی، کە لە ڕێکەوتی ٧/١/٢٠١٩ بڵاویکردەوە، بانگ لە خەڵکی قارمانمان دەکات، خۆی بۆ خولێکی نوێی بەرخۆدان و تێکۆشان بۆ بەدەستهێنانی مافە مرۆیی و دیموکراتییەکانی ئامادە بکات. بە بەرخۆدانێکی واتادار و شکۆمەندانە، ژیانێکی بە واتا و شکۆدار بۆ خۆی بخولقێنێت، بۆیە داوا لە هەموو خەڵکەکەمان دەکەین ڕۆژی پێنجشەممە ١٤ی شوبات کاتژمێر ١٧:٠٠ بۆ ٢٠:٠٠ ی ئێوارە لە شەقام و مەیدانەکانی شارەکانیان دەست بە ڕێپێوانی بێدەنگ بکەن.

ناونیشانی شەقام و مەیدانەکان بەو شێوەیەیە:

سنە: مەیدانی ئازادی بەرەو سێڕێیانی ئەدەب

سەقز: مەیدانی هەڵۆ بەرەو مەیدانی جمهوری

مەریوان: شەقامی شەبڕەنگ بەرەو چوارڕێیانی سەرەکی

مەهاباد: مەیدانی شارەداری بۆ چوارڕێیانی ئازادی

بۆکان: مەیدانی فەرمانداری

ورمێ: شەقامی ئیمام بەرەوە مەیدانی ئەیالەت

خۆی: شەقامی ئیمام

ماکۆ: بولواری ڕەسالەت

کرماشان: مەیدانی ئازادی (گاراژ) بەرەو پارکینگی شارەداری

جوانڕۆ: شەقامی بێهداری بەرەو مەیدانی بەسیج

شاباد: مەیدانی ئیمام بەرەو مەیدانی هیدایەت

ئیلام: چوارڕێیانی سەعدی بەرەو مەیدانی ئیما

 

ر.م