هێرشە داگیرکەریەکانی دەوڵەتی فاشیستی تورک بۆ سەر خاکی باشوری کوردستان بەردەوامن. بە پێی ئەو زانیاریانەی لە سەرچاوە خۆجێیەکانەوە بەدەستمان گەیشتوون، فڕۆکە جەنگیەکانی دەوڵەتی داگیرکەری تورک هەردوو گوندی باندرۆ و ئەڤلندی سەر شارەدێی باتیفای سەر بە قەزای زاخۆیان بوردومان کردووە.

بە هۆی بوردومانەکەوە زەوی و زار و باخ و بێستانی دانیشتوانی ناوچەکە ئاگریان گردووە.

لە لایەکی ترەوە فڕۆکە جەنگیەکانی ٥ جار گوندی کانی مەزنی سەر بە ناوچەی کانی ماسێیان بوردومان کرد و بە هۆی هەوڵی کوژاندنەوەی ئەو ئاگرەی بە هۆی بوردومانەکەوە لە ناوچەکە کەوتبووەوە، هاوڵاتیەکی ناوچەکە بە ناوی خالید ئەبدولرەحمان شەمسەدین گیانی لەدەستدا.

ز.ش