بە بەشداریی زیاتر لە ١٠٠ کەسایەتی ئەکادیمی و ژینگەپارێز و بەرپرسانی ناوچەیی لە باکوور و باشوور و ڕۆژئاوای کوردستان و وڵاتانی عێراق و ئێران و تورکیا و سوریا، کۆنفرانسی فۆڕمی ئاوی میزۆپۆتامیا لە سلێمانی دەستی پێکرد کۆنفرانسەکە ماوەی ٣ ڕۆژ بەردەوام دەبێت.

ئەمڕۆ لە شاری سلێمانی لە کۆلێژی زانست، لە زانکۆی سلێمانی، کۆنفرانسی 'فۆڕمی ئاوی میزۆپۆتامیا' دەستی پێکرد.

ئامانجی کۆنفرانسەکە ئەوەیە کە فۆڕمێکی هاوبەش بدۆزرێتەوە بۆ ئیدارەکردنی ئاو لە ناوچەی میزۆپۆتامیادا، بۆ ئەوەی ئاو بۆ فشاری سیاسی بەکار نەهێندرێت لە نێوان ئەو دەوڵەتانەی کە سەرچاوەی ئاوی هاوبەشیان هەیە.

'کاپیتالیزم ودەوڵەت نەتەوە ئاویان کردووەتە کەرەستەی بازرگانی کردن'

لەدەسپێکی کۆنفرانسەکەدا بەشداربووان لەکوردستان دەربارەی کێشەی ئاو و چارەسەرییەکان قسەوباسیان پێشکەش کرد.

لە باسەکاندا دەستنیشانکرا کە کاپیتالیزم و دەوڵەت نەتەوە ئازیان کردووەتە کەرەستەیەکی بازرگانی. ئاماژەبەوەکرد کە تورکیا کە ئاوی دیجلە وفوراتی لەدەستدایە، ئەو دەرفەتە وەک چەک وکارتێکی فشار لەسەرهەرێم وگەلانی ناوچەکە دەقۆزێتەوە و بەبەشداری هێزەنێونەتەوەییەکان ، ئەو بابەتە بووتە شەڕی ئاو.

لەکۆنفرانسەکەدا ئەوەخراوە روو، کە ئاو داهاتێکی مرۆییە و نابێت ببێتە کەرەستەی بازەرگانی و وەک چەک لەهەمبەر گەلاندا بەکار بهێنرێت.

بڕیار وایە لە ڕۆژی یەکەمدا سێ پانێڵ پێشکەشبکرێت لەبارەی (بەنداوەکان، سیستەمی ژینگەیی- بەشداریی لە بەڕێوبەی ئاودا)، لە ڕۆژی دووەمدا لە ١٠ پانێڵدا ٤٠ باس پێشکەشدەکرێت لە بارەی بابەتەکانی پەیوەست بە ئاو و سەرچاوە ئاوییەکانی ناوچەکە، لە ڕۆژی سێیەمدا، بەڕێوبەرانی خۆجێی لە وڵاتانی تورکیا ئێران، عێراق، باکوری سوریا، باس لە چونێتی ئیدارەدانی ئاو دەکەن لە نێوانیاندا.

لە کۆتایی کۆنفڕانسەکەدا کۆی ئەنجامی کۆنفرانسەکە کۆدەکرێتەوە و لە شیوەی پێشنیاردا ئاڕاستەی لایەنە پەیوەندیدارەکان دەکرێت، هەروەها هەوڵدەدرێت ئەنجومەنی ئیدارەکردنی ئاو دروستبکرێت.

ک٠ش