ناوەندی ئه‌نجومه‌نی گه‌لی بنارى قه‌ندیل کرایه‌وه
تەنگەری ئازادی بناری قەندیل بە بۆنەی ٨ی مارس ڕۆژی جیهانی ژنەوە ناوەندی ئەنجومەنی گەل-ی لە بناری قەندیل کردروە.
ناوەندی ئه‌نجومه‌نى گه‌لى بنارى قه‌ندیل لە لایەن پەری حەمە شێخ و موحەمەد حەسەن هاوسه‌رۆکانی ى ئه‌نجومه‌نى بنارى قه‌ندیلیش کرایەوە.
پێشنیوه‌ڕۆی ئه‌مڕۆ له گوندى بۆکریسکان له بناری قه‌ندیل به مه‌راسیمێک ناوەندی ئه‌نجومه‌نی گه‌لی بنارى قه‌ندیل کرایه‌وه.
ئەو جەماوەرەی کە بۆ بەشداری کردن لە مەراسمی ٨ی مارس ئامادە بوون، لە کردنەوەی ئەم ناوەندە خۆشحاڵی خۆیان هێنایە سەر زمان.
محه‌مه‌د حه‌سه‌ن هاوسه‌رۆکی ئه‌نجومه‌نی بناری قه‌ندیل ڕایگەیاند :ئێمه هه‌موو تواناکانمان ده‌خه‌ینه‌گه‌ڕ بۆ خزمه‌تکردنی بناری قه‌ندیل و ئه‌رکی ئێمه پاراستن و خزمه‌تکردنی بناری قه‌ندیل و گه‌لی قه‌ندیله.
ئه‌نجومه‌نی بناری قه‌ندیل له کۆتایى ساڵى ڕابردوو دامه‌زرا و کاروباری ڕێکخستی گونده‌کان و چاره‌سه‌رکردنی کێشه کۆمه‌ڵایه‌تیه‌کان و جێبه‌جێکردنی پڕۆژه خزمه‌تگوزاریه‌کانى گرتوه‌ته‌ئه‌ستۆ.
