هەپەگە ڕایگەیاند بەبۆنەی ٤١هەمیم ساڵی تێکۆشانی پەکەکە گەریلاکانی هەپەگە لەدژی سوپای داگیرکەری تورکیا لە هەرێمی سەرحەد چالاکییان ئەنجامدا. لەئەنجامی ئەوچالاکییەدا ١٥ سەربازی سوپای تورکیا کوژران.
ناوەندی راگەیاندنی هێزەکانی پاراستنی گەل-هەپەگە دەربارەی چالاکی گەریلاکانی لەدژی سوپای داگیرکەری تورکیا راگەیەنراوێکی بڵاوکردەوە.
لەڕاگەیەنراوەکەی هەپەگەداهاتووە:
" هێزەکانمان لە چوارچێوەی هەنگاوی سەرکەوتنی شۆڕشگێڕانەدا لە هەرێمی سەرحەد، لەڕۆژی ٢٦ی تەشرینی دوویەم/٥ی سەرماوەز لەکاتژمێر ٢ دا لە ناوچەی باشان-ی ئیدرلە دژی زرێپۆشێکی سەربازی سوپای تورکیا چالاکییان ئەنجامدا.
هێزەکانی ئێمە لە مەودایەکی نزیکەوە ئەوزرێپۆشەیان کردئامانج وهەڵیانکوتایە سەر زرێپۆشەکە و بەتەواوی تێکیان شکاند. لەوچالاکییەدا ١٥ سەربازی سوپای تورکیای داگیرکەر کوژران. بارەگای سەربازی ناوچەکە ویستی کە دەستێوەردان بکات وبێت بەهانای هێزەکانیانەوە، بەڵام بەرەو ڕووی وەڵامی تووندی گەریلاکانمان بونەوە وهەتاکو کاتژمیر ٧ نەیانتوانی بین بەسەروەختی کوژراوەکانی خۆیانەوە.
هەپەگە رایگەیاند کە ئەوچالاکییە بەبۆنەی ٤١هەمین ساڵی تێکۆشانی پەکەکە ئەنجامدراوە.
'هێرشی ئاسمانی'
ئێوارەی ڕۆژی ٢٦ی تەشرینی دوویەم/٥ی سەرماوەز لەکاتژمیر ٢١:٣٠ خولەکدا فڕۆکەجەنگییەکانی سوپای تورکیا دۆڵی چەمچۆ-ی زاپی سەربەهەرێمەکانی پاراستنی مەدیاییان بۆردومانکرد.
لە ڕۆژی ٢٧ی تەشرینی دوویەم ٦ی سەرماوەزلە کاتژمێر٠٠:٣٠ خولەکدا، فڕۆکەجەنگییەکانی سوپای تورکیا ناوچەی مەتینای هەرێمەکانی پاراستنی مەدیایان بۆردوومانکرد.
هەپەگە ڕایگەیاندووە کە ئەو بۆردوومانانە هیچ زیانێك بە گەریلاکانی نەکەوتووە."
ک٠ش
