لە باشوری کوردستان لە شەوی ڕابردووە بەفربارین دەستی پێکردووە تا ئێستاش بە بەردەوامی دەبارێت. ئەوەش کاریگەریی زۆری لەسەر هاوڵاتیان و کرێکاران دروستکردووە و ژیان راوەستاوە.

هەولێر، سلێمانی، زاخۆ و دهۆک و چەندین شار و شارۆچکە و ناوچەى باشوری کوردستان بەهۆی بەفربارینەوە سپی پۆش بوون.

بەهۆی بەفرەوە دەوامی قوتابخانەکان کراوە بە پشوو.

هەروەها تا ئێستا بەهۆی پاکنەکردنەوەی ڕێگاکان و دابین نەکردنی سووتەمەنی لەو ناوچانەدا، کە بەفری زۆریان تیادا باریوە گوزەرانی هاووڵاتییان قورستر بووە.

پارێزگاری سلێمانی دکتۆر هەڤاڵ ئەبو بەکر لەلێدوانێکدا ڕایگەیاند، بەفرێکی زۆر لە ناوەندی شارەکەدا هەیە و دەبێت شۆفێران بە وریاییەوە شۆفێری بکەن.

ماوەیەکی زۆرە بەفرێکی زۆری لەو شێوەیە لە سلێمانی و هەولێر و بەشێک لە ناوچەکانی تری کوردستان نەباریوە.

ژ.ت