به‌مه‌به‌ستی هێرشی داگیركاری سه‌رباز ده‌گوازرێنه‌وه
له‌سه‌ر سنووری باشوری كوردستان ئاماده‌كارییه‌كانی ده‌وڵه‌تی تورك به‌رده‌وامه، سه‌رباز به‌ره‌و گونده‌كان ده‌گوازرێنه‌وه.
به‌پێی هه‌واڵێكی ئاژانسی مێزۆپۆتامیا، ده‌وڵه‌تی تورك به‌مه‌به‌ستی ئۆپراسیۆنێكی نوێ له‌سه‌ر هه‌رێمه‌كانی زاپ، مه‌تینا و ئاڤاشین ئاماده‌كارییه‌كانی درێژه پێده‌دات.
به‌مه‌به‌ستی ئۆپراسیۆنێكی داگیركاری كه به هاوكاری پارتی دیموكراتی كوردستان (په‌ده‌كه) ئه‌نجام ده‌درێت، رۆژانه ئۆتۆمبێلی زرێپۆش و سه‌رباز ره‌وانه‌ی گونده‌كانی چه‌لێی جۆله‌مێرگ ده‌كرێن. ئه‌و ئۆتۆمبێل و سه‌ربازانه له‌سه‌ر هێڵی سنوور جێگیركراون.
شه‌وی رابردوو دوای جموجۆڵێكی سه‌ربازی زۆر له‌سه‌ر سنوور هه‌لیكۆپته‌ره‌كان له زاوێته، ئاشوت، گێمان و له ئه‌مونای قڵه‌بانی شڕنه‌خ و ناوچه‌ی كۆتر له نێوان شڕنه‌خ و جۆله‌مێرگ به‌ره‌و هه‌رێمی كوردستانی فیدراڵه‌وه چوون.
راگه‌یه‌نرا، ئه‌و سه‌ربازانه‌ی به هه‌لیكۆپته‌ر گواستراونه‌ته‌وه له‌و لایه‌ی سنوور له باره‌گاكانی گوندی بێدوهێ و ئۆرێ جێگیركراون.
جموجۆڵی سه‌ربازی له هه‌رێمه‌كه به‌رده‌وامه.
هـ . ب
