حەمیدە توران وتەبێژی ئەنجوومەنی شارەوانیی بازیدی هەدەپە بە پاساوی ئەوەى لێکۆڵینەوەى لەسەرە، لەلایەن وەزارەتی ناوخۆی دەوڵەتی تورکەوە لەسەر کارەکەى لابرا. توران رایگەیاند، ئەو بڕیارە، بڕیارێکی دژ بە یاسا و مافەکانە.

توران رایگەیاند، مانگی تشرینی یەکەم یڵدز ئاجار و ئەندامانی سەربەخۆی ئەنجومەنی شارەوانی بە ناوەکانی مەجبورییە شاهین، مەحمود دۆغان، باران کاراهان و رۆژنامەوانێکی ناوچەیی بە ناوی رەزا سۆلاک لە دەزگای دژە تیرۆر (TEM)دا سکاڵایان لەسەر کردبوو و بەو هۆیەوە لەو کاتەدا بۆ ماوەی مانگێک بڕیاری دوورخستنەوەى درابوو، بەڵام وەزارەتی ناوخۆی دەوڵەتی تورک دوای نزیکەى ٣ مانگ بڕیاریدا بە یەکجاری لە ئەرکەکەم دوورم بخاتەوە.

توران راشیگەیاند، ئامانجی ئەو هێرشانە ئەوەیە، کە بناغە بەهێزەکەى ئەم ناوچەیە و ئەوەى بونیاتنراوە هەڵبوەشێننەوە.  

ژ.ت