هەپەگە ڕایگەیاند، گەریلا لە زاپ لە داگیرکەرانیان داوە، ئاڤاشین لەلایەن داگیرکەرانەوە زۆر بە چڕی بۆمباران کراوە، ئۆپەراسیۆنی داگیرکەران لە کاتۆ مارینۆس بە بێ ئەنجام کشایەوە.

ڕاگەیەندراوی ناوەندی راگەیاندن و چاپەمەنیی هەپەگە::

"لە چوارچێوەی هەڵمەتی شۆڕشگێڕیی هەڵۆکانی زاگرۆسدا؛

ڕۆژی ١٩ی تشرینی یەکەم و کاتژمێر ١١:٠٠ دا هێزەکانمان لە شاخی خەرەگۆل لە ناوچەى زاپ بە چەکی قورس هێرشیان کردە سەر داگیرکەران. لەو چالاکییەدا بە سەرکەوتویی گورز لە ئامانجە دیاریکراوەکان درا.

لە گۆڕەپانی بەرخۆدانی وەرخەل لە ناوچەی ئاڤاشین؛

- سوپای تورکی داگیرکەری کاتژمێر ٢٠:١٠ لە ١٨ی تشرینی یەکەم و درەنگانی شەوی ١٩ی تشرینی یەکەم و ٢٠ی تشرینی یەکەم، گۆڕەپانی بەرخۆدانی وەرخەلی بە تەقەمەنی و چەکی قورس بۆردومان کرد.

- ڕۆژی ١٢ی تشرینی یەکەم سوپای تورکی داگیرکەر بە فڕۆکەى جەنگی گۆڕەپانی دەهما کاتۆی لە ناوچەى کاتۆ مارینۆس لە بۆتان بۆردومانکرد و لە دوای ئەو بۆردومانە دەستی بە ئۆپەراسیۆنێکی بەرفراوان کرد. ئەو ئۆپەراسیۆنە داگیرکارییە لە ١٤ی تشرینی یەکەم بەبێ هیچ ئەنجامێک کۆتایی پێهات.

- ڕۆژی ١٨ی تشرینی یەکەم لە نێوان کاتژمێر ٢٣:٤٥ و ٠٠:٣٠ کۆپتەرەکان لە کەتیبەی عەرەبەکان لە ناوچەی ئاڤاشین و ناوچەی مەرڤانۆس جموجوڵیان هەبوو.

- ڕۆژی ١٨ی تشرینی یەکەم لە نێوان کاتژمێر ٢٣:٤٥ و ٠٠:٣٠ ، دەوروبەری گوندەکانی سەرارو و دەشیش-یان لە ناوچەی کانی ماسیی ئامێدی بە تۆپ و هاوەن بۆردومانکران.

- لە ١٩ی تشرینی یەکەم دا و لە نێوان کاتژمێر ١١:٠٠ بۆ ١٣:٠٠ گۆڕەپانی شەهید ڕوستەم لە ناوچەى زاپ بە چەکی قورس بۆردومان کرا".

ژ.ت