هیزەکانی گەریلا بۆ یادی گەریلا شەهیدەکانی وەرخەل دوو چالاکییان لە قەڵای بێدەو لە ناوچەى زاپ لە دژی سەربازانی سوپای  تورکی داگیرکەر ئەنجامدا.

ڕاگەیاندراوی ناوەندی راگەیاندن و چاپەمەنییی هێزەکانی پاراستنی گەل (هەپەگە) لەوبارەیەوە:

"لە چوارچێوەی هەڵمەتی شۆڕشگێڕیی هەڵۆکانی زاگرۆس لە ناوچەى زاپ دا؛

لە ٨ی نیسان و کاتژمێر ١٥:٣٠ دا هێزەکانمان لە لە قەڵای بێدەو لە دوو باڵەوە چالاکییەکی هاوبەش و هەماهەنگی گەریلایانەیان لە  دژی داگیرکەران ئەنجامدا. چالاکییەکە بە چەکی قورس ئەنجامدرا و ئامانجە دیاریکراوەکان بە وردی پێکران و تێکشکێنران.

هەر لە ٨ی نیسان و کاتژمێر ١٩:٤٠دا هێزەکانمان بۆ جاری دووەم هێرشیان کردە سەر داگیرکەران لە قەڵای بێدەو و ئامانجە دیاریکراوەکانیان بە وردی پێکا و ئامانجەکانیان تێکشکاند.

هەردوو چالاکییەکە لەلایەن هێزەکانمانەوە بۆ یادی قارەمانە نەمرەکانی وەرخەل ئەنجامدران، کە قارەمانانە شەڕیان کرد و مێژوویان تۆمار کرد، بەڵام بە چەکی کیمیایی شەهید بوون.

لە ٨ی نیسان لە کاتژمێر ٠٩:٠٠ بۆ ١٨:٠٠ شاخی جودی لە ناوچەى زاپ لەلایەن بنکە سەربازییەکانی سەر سنوور بە تۆپ و بە فڕۆکەى جەنگی بۆردومانکران.

ڕۆژی ٨ی نیسان کاتژمێر ١٨:٠٠ گۆڕەپانی وەرخەل لە ناوچەى ئاڤاشین بە فڕۆکەی جەنگی و بۆردومانکرا و هاوکات لەلایەن بنکە سەربازییەکانی سەر سنووریشەوە بە تۆپ بۆردومان کرا.

ڕۆژی ٩ی نیسان لە کاتژمێر ٢٣:٠٠ بۆ ٠٠:٣٠ هەلیکۆپتەرەکان بە ئاسمانی گۆڕەپانی قاشورا لە ناوچەى مەتینادا سوڕانەوە. هاوکات هەلیکۆپتەرە هێرشبەرەکان دەوروبەری گوندەکانی دەشیش، سەرارۆ، ئێدین و گۆڕپانی کۆردینەیان بۆردومان کرد".

ژ.ت