لە کەمپی پەنابەرانی شەهید ڕۆستەم جودی (مەخمور) بۆ فەرماندەی یەپەژە سورخوێن جەلال کە ٣ ی نیسان لە کۆبانێ لە ئەنجامی هێرشی ئاسمانی لەگەڵ ئارین کۆبانێ شەهیدبوون، خێمەی سەرەخۆشی دانرا.

خێمەی سەرەخۆشی لەلایەن خەڵک و ئەندامی ڕێکخراو و مەجلیسەکانی کەمپەکەوە سەردانکرا. پاشان خولەکێک ڕێزگرتن لە شەهیدانی تەڤگەری ئازادی کوردستان بەڕێوەچوو.

پاشان لەسەر ناوی خەڵکی کەمپەکە، ئەندامی کۆردیناسیۆنی مەجلیسی عەشتار فازیڵە پیرانی سەرەخۆشی لە ڕێبەری گەلی کورد عەبدوڵا ئۆجالان و بنەماڵەی شەهیدان کرد و ڕایگەیاند ستەمی زۆر لە گەلی کورد دەکرێت، کچ و کوڕانی کورد وەک هەڤاڵان سورخوێن و ڕۆناهی بەرخۆدان دەکەن، گوتی: "سەری ڕێبەر ئاپۆ و تەواوی گەلی کورد ساغ بێت، بنەماڵەی شەهید لە شەهیدبوون دوور نین، چەندین شەهیدیان هەیە و بنەماڵەیەکی وڵاتپارێزن، سەرەخۆشیان لێ دەکەین".