نەورۆزی شەمزینانی جولەمێرگ، بە درووشمی "ڕاپەڕە کاتی ئازادی و سەرکەوتنە" ئەنجامدرا. سەرەڕای باران جۆشێکی مەزن ئەنجامدرا، گۆڕەپانەکە بە ئاڵای دەم پارتی و ئاڵای سەوز و سور و زەرد ڕازێنرایەوە، درووشم و پانکارتەکان بەرزکرانەوە.

کاندیدی هاوسەرۆکی شارەوانی نایف ئەرۆگۆز ڕایگەیاند ئێمە شارەوانیەکان لەگەڵ گەلەکەمان و پیاوماقوڵان و ڕێکخراوەکان بەڕێوەدەبەین، گوتی: "ئێمە ٣١ ی ئادار وەڵامی پێویست دەدەینەوە، ئێمە شارەوانییەکی گەلپارێز دادەمەزرێنین. دەمانەوێت هەرکەسێک بچێتە سەر سندووقەکان و خاوەنداری لە ئیرادەی خۆیان بکەن".

پەرلەمانتاری دەم پارتی جولەمێرگ ئۆنور دوشونمەز ڕایگەیاند ئێمە نەوەی شێخ سەعید و عوبەیدوڵا نەهرین، کەچی نەوەی شێخ سەعید وەک تیرۆریست پێناسە دەکەن، گوتی: "باوەڕم وایە وەڵامی پێویستی ئەوانە دەدەنەوە کە گەنج و پیرەکانتان بە خائین نیشان دەدەن".

پاش وتەکان، چەندین هونەرمەند گۆرانیان پێشکەش کرد، ئاهەنگەکە بە هەڵپەڕکێ کۆتایی هات.