لە ناوچەکانی ئەلباک و قەلقەلی لە وان بەهۆی بارانبارینی زۆرەوە لافاو هەستا.

لافاو گەڕەکەکانی ئالبای راک و گیوزەل دەرەی ئەلباک و گەڕەکەکانی سارکۆی، کاشکارا و یونکوشکای قەلقەلیی گرتەوە.

بە هۆی لافاوەکەوە زۆر کەس لە شوێنەکانی خۆیاندا گیریانخواردووە. ژمارەیەکی زۆریش لە مەڕ و ماڵاتی هاووڵاتییان لە لافاوەکەدا لە ناو چوون.

هاووڵاتییان رایانگەیاندووە، ٢ شوان، کە لە کوێستانەکان مەڕەکانیان دەهێنایە خوارەوە بێسەروشوێنن، بەڵام تاوەکو ئێستاش هیچ کارێک لەلایەن تیمەکانی فریاکەوتنەوە بۆ رزگارکردنیان ئەنجام نەدراوە.

تاوەکو ئێستا زانیارییەکی روون لەبارەی زیانە مرۆیەکانی لافاوەکە لە بەردەستدا نییە و لەلایەن دام و دەزگا فەرمییەکانیشەوە هیچ زانیارییەک بڵاونەکراوەتەوە.

ژ.ت