لە بەردەوامی ئۆپراسیۆنە قڕکارییە سیاسییەکانی دەوڵەتی تورکدا لە باکووری کوردستان و تورکیا چەندین کەس دەستگیرکران کە جەنگیز دونداری هاوسەرۆکی شارەوانی پیاسە و ڕۆزا مەتینای سەرۆکی کۆمەڵەی ڕۆژنامەوانانی ژنی میزۆپۆتامیا (مەکەگە)ی تێدایە.
پۆلیسی دەوڵەتی تورکی قڕکەر لە چوارچێوەی بەردەوامی ئۆپرسیۆنە قڕکارییە سیاسییەکانیاندا سەر لەبەیانی ئەمڕۆ لە ئامەد، ئەستەنبوڵ، مێردین، شڕنەخ و چەندین شاری دیکە هەڵیانکوتاوەتەسەر چەندین ماڵ و ژمارەیەک ڕۆژنامەوان و چالاکوانیان دەستبەسەرکردووە کە جەنگیز دونداری هاوسەرۆکی شارەوانی پیاسە و ڕۆزا مەتینای سەرۆکی کۆمەڵەی ڕۆژنامەوانانی ژنی میزۆپۆتامیا (مەکەگە)ی تێدایە.
ڕۆژنامەوانان دەستبەسەرکران
ڕۆژنامەوان ئەردۆغان ئالایئومەت و بیلگە ئاکسو لە ئەستەنبوڵ دەستبەسەرکران
لە ئێلح ڕۆژنامەوان محمەد ئوچار دەستبەسەرکرا.
لە ئەنجامی شەرمەزارکردنی سەپاندنی قەیوم دەستبەسەرکراون
هەر لە بەردەوامی ئۆپراسیۆنەکەدا چەندین کەس لە مێردین دەستبەسەرکراون و دواتر ڕەوانەی بەڕێوەبەرایەتی ئاسایشی شارەکە کراون. زانراوە ئەو کەسانە بە پاساوی شەرمەزارکردنی سەپاندنی قەیوم دەستبەسەرکراون.
هەروەها لە شڕنەخیش بەهەمان شێوە چەندین کەس دەستبەسەرکراون.
