شه‌نیاشار: بێده‌نگی هاوبه‌شییه له سته‌م
بنه‌ماڵه‌ی شه‌نیاشار كه به‌رخودانی خۆی درێژه پێده‌دات رایگه‌یاند، "بێده‌نگی هاوبه‌شییه له سته‌م".
ئێشكگریی دادی دایكه‌ی ئه‌مینه شه‌نیاشار و كوڕه‌كه‌ی فه‌رید شه‌نیاشار كه له ٩ی ئاداری ٢٠٢١ له دژی كۆمه‌ڵكوژی ئاكه‌په‌ییه‌كان ده‌ستیپێكراوه له رۆژی ٣٨٩هه‌میدا به‌رده‌وامه.
دایك و كوڕ به‌مه‌به‌ستی چالاكی هاتنه به‌رده‌م بینای دادگای رحا.
بنه‌ماڵه‌كه پلاكاردێك به نوسراوی، "دوو كوڕی من و هاوژینه‌كه‌م له نه‌خۆشخانه كوژران! هیچ كه‌س نه‌گیراوه! به فه‌رمانی به‌هێزه‌كان كوڕێكی من ئه‌وه ٤ ساڵه له ژووری تاكه‌كه‌سیدایه. من ده‌مه‌وێت ده‌ستبه‌جێ كوڕه‌كه‌م به‌ربدرێت. دادپه‌روه‌ری بۆ بنه‌ماڵه‌ش شه‌نیاشار و بۆ هه‌موو كه‌س"یان به به‌ربه‌سته كۆنكرێتیه‌كاندا هه‌ڵواسیبوو.
بنه‌ماڵه‌كه هه‌روه‌ها له‌سه‌ر هه‌ژماری خۆی له تۆڕه كۆمه‌ڵایه‌تیه‌كان رایگه‌یاند، "ئه‌وه‌ی پیرۆزه ژیان نییه. ئێمه له پێناو ژیانێكی شكۆمه‌ندانه و دادپه‌روه‌رانه، داوای دادپه‌روه‌ری ده‌كه‌ین. بێده‌نگی هاوبه‌شییه له سته‌م" و په‌یامه‌كه‌یان به هه‌ژماری سه‌رۆكی گشتیی ئاكه‌په ره‌جه‌ب ته‌یب و وه‌زیری دادی تورك به‌كر بۆزداغ مه‌ینشن كردووه.
هـ . ب
