دوای ئەوەى سوپای عێراق لە چوارچێوەی رێککەوتنی نێوان هەولێر- بەغدا دەستوەردانی لە شەنگال کرد و دەستی بە جموجوڵ کرد، خەڵکی شەنگال بۆ خاوەنداریکردن لە دام و دەزگاکانی خۆبەڕێوەبەری و خۆپاراستن دەستبەکار بوون.

لەو چوارچێوەیەدا لە رۆژی ١ی کانوونی یەکەمی ٢٠٢٠ەوە لە بەردەم ناوەندی ئاسایشی ئێزدخان دەستیان بە چالاکیی ئێشکگری کرد. چالاکییەکە بە دروشمی "ئێمە هەمومان ئاسایشین" بەڕێوەدەچێت و بە بەرخودانی شکۆ و کەرامەت دەناسرێت. چالاکییەکە ماوەى ١٩ رۆژە بەردەوامە.

نوێنەرانی رێکخراوەکان و ئەنجوومەنی خۆبەڕێوەبەریی شەنگال لەگەڵ هاووڵاتییانی ناوچەکە لە ژێر چادری بەرخوداندا ئێشکگری دەکەن.

خەڵکی شەنگال لە ناوچەکە، شار و شارۆچکە و گوندەکانەوە هەموو رۆژێک سەردانی چالاکیی ئێشکگری دەکەن و پشتیوانی لە چالاکییەکە دەکەن.

حەیدەر شەنگالی ئەندامی پارتی ئازادی و دیموکراسیی ئێزدییەکان (پادێ - PADÊ) لەبارەى چالاکییەکەیانەوە بە رۆژنیوزی راگەیاندووە، "ئاسایشی ئێمە هەبوون و شکۆ ئێزدخانە. ئێمە داوا لە گەلەکەمان دەکەین لە دژی رێککەوتنی هەولێر و بەغدا زۆر زیاتر بەرەنگاری بکەن".

ژ.ت