بەرۆژی رووناك حەلبووسی و خەمیس خەنجەر دەچنە توركیا و لەگەڵ ئەردۆغانی سەرۆككۆماری دەوڵەتی تورك كۆدەبنەوە. سەرۆكی پارتی و جێگری سەرۆكی پارتی و سەرۆكی هەرێم كە ئەویش هەر پارتیە هاوشێوەی هەردوو كۆتلە سووننەكە دەچنە تورکیا، ئیمارات و ئیسرائیل.
بەرۆژی رووناك حەلبووسی و خەمیس خەنجەر دەچنە توركیا و لەگەڵ ئەردۆغانی سەرۆككۆماری دەوڵەتی تورك كۆدەبنەوە. وێنە و ڤیدیۆی كۆبوونەوەكە و ئەجیندای كۆبوونەوەكەش كە دژایەتی راستەوخۆی بەرژەوەندییە باڵاكانی گەلی عێراق و دەوڵەت و دامەزراوەكانی عێراقە و دەستخستنە ناو كاروباری ئەم وڵاتەیە كە چی یەكلایەنی عێراقی و شەقامی عێراقی فزەیان لێوە هەڵناستێت و مێش مێوانیان نییە. لەلایەكی ترەوە هەر ئەم دوو كۆتلە سیاسییە لەناوخۆی ئێراقیشدا، لەگەڵ كۆتلەیەكی كورد"بارزانی" و كۆتلەیەكی شێعە"سەدر"، هاوپەیمانیەكی سێ قۆڵیان بەناوی رزگاری نیشتیمانی پێكهێناوە كە گوایا ئەم هاوپەیمانیە كە لەرزگاری نیشتیمانییە لە كۆت و بەندەكان و ئاڵنگاری و تەحەدا ناوخۆیی و دەرەكییەكان وڵات رزگار دەكات، نە شەرقی و نەش غەربییە"واتا نە رۆژهەڵاتی و نەش رۆژئاواییە"، هاوشێوەی دروشمەكەی خۆمەینی گۆایا حكومەتەكە لەژێر كاریگەری ئەوروپا و ئەمریكا و روسیا و چین و ئەوروپادا نابێت. حكومەتێك دەبێت كە بەگیانی عێراقیانەوە پەیوەستە و شێوە بیركردنەوەكەی عێراقیانەیە و لەسەر ئەم خاكە ئەم بیرۆكەیە سەری هەڵداوە.
سەرۆكی پارتی و جێگری سەرۆكی پارتی و سەرۆكی هەرێم كە ئەویش هەر پارتیە هاوشێوەی هەردوو كۆتلە سووننەكە، ئەوانیش بەئاشكرا و بەشاراوە، تەنیا لەم مانگەدا نزیكەی سێ بۆ چوار جار خۆیان كردۆتە توركیا، ئیمارات، ئیسرائیلدا. ئەم كوتلە كوردیەش هاوشیوەی دوو كوتلە سوونیەكە، هەندێ شتیان لەراگەیاندنەكانەوە دزەیان پێكراوە و هەندێ شتی شاراوەشیان بەشاراوەیی ماوەتەوە. لەم سەردانانەی كە بەرۆژی رۆشندا بۆ ئەم وڵاتانەی دراوسێ عێراق پێكدێن، ئاخۆ چی لەم ماوەدا لەبەرژەوەندی گەلانی عێراقیدا گۆڕدراوە، بەتایبەتی لەرووی ئاسایشی، رەفا و خۆشگۆزەرانی و ئازادیەكان و ئابووری و سیاسییەوە.
هەر لەبنەڕەتەوە ئەم رێككەوتنە، رێككەوتنێكە لەئاستی هەرێمی و نێودەوڵەتی پشتی بەدەرەوە بەستووە، واتا رێككەوتنێكی عێراقیانە نییە كە هەندێ لایەن بەشان و باڵیدا هەڵدەدەن. رێككەوتنێك كە هەر لەسەرەتاوە پشتی بەهێزە هەرێمی و نێودەوڵەتیەكان بەستبێت، شتێكی ئەوتۆ لەبارودۆخی گەلانی عێراقدا ناگۆڕێت، هیچ، بەڵكۆ ئەم رێككەوتنە دەبێتە هۆی زیاتر قووڵبوونەوەی ناكۆكیە ناوخۆییەكان و بگرە، ببێتە هۆكارێكیش بۆ هەڵگیرساندنی شەڕی بەوەكالەت و شەڕی ناوخۆش لەعێراقدا.
با بێمە سەر ئەوەی كە هەندێ لایەنی تریش لەم گیروگازەدا"مۆجامێلەیە"دا خۆیان وەكو هێزی سێیەم، یا ئۆپۆزسیۆن بەناو كردووە و دەیانەوێت بەهەندێ خاڵەوە كە ئەوەش داواییە رەواكانی گەل بۆ خۆیەتی و مافی گەلە لەلایەن دەسەڵات و دەوڵەتەوە زەوتكراوە، دەیانەوێت پاڵەپەستۆیەك لەناو رای گشتی و كۆمەڵگەدا دروست بكەن، ئەگەر بێت و هەر كام لەلایەنەكانی سەدر و پارتی و سووننە، یا چوارچێوەی هەماهەنگیش كە دیارن كێن، ئەم داواكاریانە پەسەند بكات، ئەوا ئێمە پشتیوانیان دەكەین. دەیانەوێت خۆڵ بكەنە چاوی كۆمەڵگەوە و كۆمەڵگە و راستیەكان زیاتر ئاوەژۆ و شێلۆ بكەن. دەبێت مەرجی سەرەكی ئۆپۆزسیۆن ئەوە بێت كە ئەو هێزانەی هاوپەیمانی و رێككەوتن دەكەنە، دوور بن لەپشتبەستن بەئەجیندای دەرەكی"جا ئەوە هەرێمی بێ یا نێودەوڵەتی"، واتا تێڕوانین و مەودای بیركردنەوەكەی ئۆپۆزسیۆن و دەسەڵات لەكێبڕكێ خاڵە بنەڕەتی و جەوهەرییەكاندا بن كە پێش هەر شتێك سەقامگیری و دەستوەردان لەكاروباری سیاسی، ئیداری، ئابوری و ئاسایشی ئێراقدا كۆرت بكات. لەئێستادا خاڵكی سەرەكی مۆنافسەی دەسەڵاتداریەتیە. ئەوەی دیارە هەر سێ بەرەكە دەیانەوێت لەسەر سۆز و هەستی لایەنی بەرامبەر و پێگە جەماوەرییەكەی بەرامبەری خۆی بازبدات و هەندێ دەسكەوتی ماددی بەدەستبخات. لەحاڵێكدا راستە گەلی ئێراق كێشەی خزمەتگۆزاری و ئابوری و بێ كاری و ئاسایشی هەیە، بەڵام لەهەمووی گرنگتر، كێشەی عێراق و عێراقیەكان پاراستنی روومەت و كەرامەتە. ئەمەش خاڵێكە لەرێككەوتنەكاندا بەدی ناكرێت.
ف.ق
