رووسیا ڕۆژی شەمە رایگەیاند، ئازەربایجان ئاگربەستی پێشێل کردووە. هەروەها ئاماژەی بەوەکرد کە ئازەربایجان هێزەکانی لە نزیک گوندی فاروخ کشاونەتەوە.

باکۆ بانگەشەکانی روسیای بەدرۆ خستەوە و رایگەیاند ، ئەوان لە گوندەکە نەکشاونەتەوە.

وەزارەتی دەرەوەی ئەرمینیاش داوای کرد هێزە ئاشتیپارێزەکانی روسیا، لێکۆلینەوە ئەنجام بدەن.

وەزارەتی دەرەوەی ئەرمینیا رایگەیاند، " ئێمە چاوەڕێ دەکەین کە یەکە ئاشتیپارێزەکانی روسیا لە قەرەباخ بۆ کۆتاییهێنان بە جموجووڵی سەربازی ئازەربایجان بەرپرسیاری خۆیان بەجێ بهێنن."

هەرێمی قەرەباخی خواروو کە لە ژێر کۆنتڕۆڵی ئەرمینیادابوو و حکومەتی ئێریڤان پشتگیری لێ دەکرد، لە سەردەمی هەڵوەشاندنی یەکێتی سۆڤیەت، لە ئازەربایجان جیابووەوە. لە شەڕی ساڵی ١٩٩٠دا زیاتر لە ٣٠ هەزار کەس لەوێ کوژران. و بە هەزاران کەسیش ئاوارە بوون.

لە پاییزی ٢٠٢٠دا لەنیوان ئەرمینیا و ئازەربایجاندا شەڕێکی شەش هەفتەیی روویدا کە دەوڵەتی تورک راستەوخۆ پشتگیری لە ئازەربایجان کرد. لە شەڕەکەدا نزیکەی ٦٥٠٠ کەس کوژران و ئەرمینیا شکستی هێنا.

ف.ق