ئۆتۆمبێلێکى بۆمبڕێژکراو لە ئێران تەقییەوە
لە شاری چابەهار لە ئێران ئۆتۆمبێلێکى بۆمبڕێژکراو تەقیەوە. بەپێى زانیارییە سەرەتاییەکان بەهۆی تەقینەوەکەوە ٣ کەس کوژراون و چەندین کەسی تریش بریندار بوون.
لە شاری چابەهار لە ئێران ئۆتۆمبێلێکى بۆمبڕێژکراو تەقیەوە. بەپێى زانیارییە سەرەتاییەکان بەهۆی تەقینەوەکەوە ٣ کەس کوژراون و چەندین کەسی تریش بریندار بوون.
تەلەفزیۆنى دەوڵەتى ئێران بڵاویکردەوە، لە نزیک ناوەندێکى هێزەکانى پۆلیس لە شاری چابەهار ئۆتۆمبێلێکى بۆمبڕێژکراو تەقیوەتەوە.
بەپێى زانیارییە سەرەتاییەکان، لەو تەقینەوەیەدا ٣ کەس کوژراون و چەندین کەسی تریش بریندار بوون.
شاری چابەهار دەکەوێتە پارێزگاى سیستان و بەلوچستان لە باشووری رۆژهەڵاتى ئێران. چابەهار شارێکى بەندەرییە و لەسەر لێوارەکانى دەریانى عومان دایە و هاسنووری پاکستانە.
ر.م